Weston-super-Mare

Res apud Vicidata repertae:

Civitas: Britanniarum Regnum
Locus: 51°20′46″N 2°58′37″W
Numerus incolarum: 76 143
Situs interretialis

Gestio

Procuratio superior: Weston-Super-Mare

Coniunctiones urbium

Urbes gemellae: Hildesia

Weston-super-Mare est urbs Somersetensis comitatus in Anglia occidentali sita. Homines fere 76 000 ibi nostro tempore habitant.

Vicus parvus Weston (scilicet "fundus occidentalis", quod nomen alia compita plura huius regionis habent; agnomine Latino "super Mare" ab episcopo quodam causa discretiva addito), in paroeciam saeculo XIII elevatus, ab omnibus fere ignotus est nisi quod lapis calaminaris^(en) e monte adiacenti Worlebury ab anno circiter 1560 effossa est.^[1] Ad litora Manicae Bristoliensis positus, aeri salubri fruens, solem occidentem spectans, saeculo XVIII exeunte Weston locum otiosum fit: iam anno circa 1773 Anna More^(en) scriptrix hic ad salutem recreandam venit et in paroecia Uphill morabat. Subito saeculo XIX ineunte augeri coepit: ad Weston mox conveniebant et breve spatium degebant familiae modestiores Bristolienses, ab anno 1841 per viam ferream iter facientes: ferrivia enim a Bristolio Exoniam tendens nuper perfecta est, designatore Isambardo Kingdom Brunel qui his annis in Weston-super-Mare habitabat. Taliter Cardiffenses Noviburgensesque, navibus traiectoribus trans Manicam profectae, ad molem Birnbeck anno 1867 architecto Eugenio Birch perfectam descendebant.

Regiones urbanas novas rapidius creaverunt aedificatores et architecti, stilo vel stilis Victorianis laborantes, quorum princeps Iohannes Price apud Weston-super-Mare habitabat.^[2] Altera moles deversoria e media urbe proiecta, nomine Grand Pier, anno 1903 inaugurata est.

Notae[recensere | fontem recensere]

↑ Brodie et al. (2019) p. 7
↑ Johanna Roethe, "The doyen of the local architectural profession: Hans Fowler Price of Weston-super-Mare" in Proceedings of the Somerset Archaeological and Natural History Society vol. 163 (2019) pp. 192-203

Bibliographia[recensere | fontem recensere]

George Bennett, "Topographical Description of Weston-super-Mare" in Gentleman's Magazine (December 1805) pp. 1097-1099
Allan Brodie, Johanna Roethe, Kate Hudson-McAulay, Weston-super-Mare: The town and its seaside heritage. Swindon: Historic England, 2019
Alexander Brown, Brown's New Guide to Weston-super-Mare and the Neighbourhood. 2a ed. Weston: Brown, 1854 (Textus apud Google Books)
"Weston super Mare" in John Collinson, The history and antiquities of the county of Somerset (3 voll. Bathoniae, 1791 1 2 3) vol. 3 pp. 610-611
"Weston-Super-Mare (St. John)" in Samuel Lewis, ed., A Topographical Dictionary of England (7a ed. 1848. ~)
"Weston-super-Mare" in Nikolaus Pevsner, The Buildings of England: North Somerset and Bristol (Harmondsworth: Penguin, 1958) pp. 336-338
[John Whereat], Whereat's New Hand-book to Weston-super-Mare and its neighbourhood. Weston: J. Whereat, 1855? (Textus apud Google Books)
[John Whereat], Rambles about Weston-super-Mare and its neighbourhood: The Visitor's Guide to Uphill, Bleadon, Lympsham, South Brent and Burnham. Weston: J. Whereat, 1847? (Textus apud Google Books)
C. E. Wilson; Ernest E. Baker, ed., Somersetshire Dialogues, or Reminiscences of the Old Farm House at Weston-super-Mare. Weston-super-Mare: Robbins, 1882 Textus