Vinum Falernum

Vinum Falernum sive simplicius Falernum est vinum tempore Imperii Romani sub monte Falerno factum in Agro Falerno regionis Campaniae. Vino Caecubo deficienti, Falernum maxime laudatum est inter vina Italiana saeculis I exeunte, II, III.

Falernum erat vinum valde generosum, hieme factum, flavum (sed, si longius servatum, russeum et nigrescens). Nomen Falernum legitur apud permultos aetatis Augusti imperatorumque sequentium scriptores, et inscriptum est a Diocletiano inter septem vinos carissimos edicto suo de pretiis anno 300.

De terris

Tres terrae distinguuntur:

• Vinum Caucinum in collibus altis productum est.
• Vinum Faustianum, medicis perutile, ex acclivitatibus mediis provenit.
• Vinum Falernum sensu stricto in planitie productum est.

Vina Massicum, Calenum et Statanum, tempore Rei Publicae clara, fortasse aevo posteriori sub appellatione Falerni comprehensa sunt.

Vide etiam

• Cena Baccho a Falerno oblata

Bibliographia

• P. Arthur, "Territories, wine and wealth. Suessa Aurunca, Sinuessa, Minturnae and the Ager Falernus" in G. Barker, J. Lloyd, edd., Roman landscapes: archaeological survey in the Mediterranean region (London, 1991) pp. 153-159
• "Falernian wine" in Andrew Dalby, Food in the Ancient World from A to Z (Londinii, 2003. ISBN 0415232597) p. 138-139
• Ugo Zannini, I Fora in Italia e gli esempi campani di Forum Popilii e Forum Claudi. Caserta, 2009
• Ugo Zannini, "I vini d'età romana in Campania settentrionale" in Civiltà Aurunca no. 75-76 (Minturno 2010) pp.7-19