Vicipaedia:Nuntii

E Vicipaedia

Porta·Vicipaediae · Societas·Humana
Calendarium · Ecclesia · Homines clari · Linguae mundi · Ludus · Ludus athleticus · Mythologia · Nationes mundi · Nuntia · Religio · Res militaris · Collegia · Universitates

[recensere]

Quid novi est

Index

1 2009
2 2008
3 2007
4 2006
5 2005
6 2004
7 Vide etiam
8 Nexus externus

[recensere] 2009

11 Iulii—Ludovicus Leo Sanchez Gil, birotarius pro Manu Caisse d'Epargne certans, octavam Circuitus Franciae stationem, cursum ab "Andorre la Vieille"^? ad "Saint-Girons,"^? vincit. Thor Hushovd tuniculam viridem a Marco Cavendish aufert. Christophorus Kern tunicam maculatam a Brice Feillu aufert.
10 Iulii—Brice Feillu, birotarius Francicus pro manu Agritubel certans, septimam Circuitus Franciae stationem, cursum a Barcinone ad "Arcalis"^? Andorrae, vincit, et tunicam maculatam a Stephano Augé aufert. Rinaldus Nocentini, birotarius Italicus pro manu Ag2r-La Mondiale certans, tuniculam flavam a Fabiano Cancellara aufert.
9 Iulii—Thor Hushovd, birotarius Norvegicus pro Cervélo TestTeam certans, sextam Circuitus Franciae stationem vincit, cursum a Girona^? ad Barcinonem. Stephanus Augé tuniculam maculatam ab Iussi Veikkanen aufert.
8 Iulii—Thomas Voeckler, birotarius Francicus pro Manu Bbox Bouygues Telecom certans, quintam Circuitus Franciae stationem vincit, cursum a "Le Cap d'Agde"^? ad Perpinianum.
7 Iulii—Manus Saxo Bank vincit quartam Circuitus Franciae stationem, certamen temporis manuum circa Monspessulanum, et dux certationis manet Fabianus Cancellara.
6 Iulii—Marcus Cavendish, birotarius Monensis pro Manu Columbia–High Road certans, vincit tertiam Circuitus Franciae stationem, cursum a Massilia ad "Le Grande Motte."^? Antonius Martin tuniculam candidam a Romano Kreuziger aufert.
5 Iulii—Marcus Cavendish, birotarius Monensis pro Manu Columbia–High Road certans, vincit secundam Circuitus Franciae stationem, cursum a Monoeco ad Brinoniam, et tuniculam viridem a Fabiano Cancellara aufert. Iussi Veikkanen tuniculam maculatam ab Alberto Contador aufert.
4 Iulii—Fabianus Cancellara, birotarius Helveticus pro Manu Saxo Bank certans, vincit primam Circuitus Franciae stationem, certamen temporis circa Monoecum, et tuniculas flavam viridemque aufert. Albertus Contador Velasco tuniculam maculatam, Romanus Kreuziger tuniculam candidam auferunt.
4 Iulii—Secretario Generali Consociationis Nationum Ban Gi-mun Birmaniam visenti accessus ad ducem incarceratam Foederis Gentilis pro Populi Potentia Aung San Suu Kyi denegatur.
4 Iulii—Decem homines moriuntur et octo nocentur post laophori conducti autocinetique concursum in Promontorio Orientali in Africa Australi.
4 Iulii—Episcopus Durobrivensis Michael Nazir-Ali homosexuales ad paenitendum et se convertendum provocat, dicens Ecclesiam Anglicam culturā non superari.
4 Iulii—Nimborum vis effusa in Sinis meridionalibus plus quam 150 000 homines in fugam domo vertit, domorum centa destruit et molem perforat.
4 Iulii—Homicida ex comitatu Cherokee in Carolina Meridionali in Civitatibus Foederatis Americae meridionalibus quinta vice occidit.
4 Iulii—Novem vigiles Tzetzenici post impetum contra eorum currum in Inguestia vicina in Russia meridionali occiduntur.
4 Iulii—Diarium publicum Iranianum Kayhan provocat Mir-Hossein Musavi factorum suorum rationem apud iudicium reddere.
4 Iulii—Civitates Foederatae Americae festum publicum maximum suum — Libertatis Diem — celebrant.
3 Iulii—Sarah Palin, perita politicorum Americana, Gubernator Alascae et anno 2008 candidata pro munere praesidis vicarii Civitatum Foederatarum Americae, nuntiat se magistratu die 26 Iulii abdicaturam esse.
3 Iulii—Tres homines moriuntur et plus quam decem nocentur in tumultu, postquam sus mortuus in moscheam non confectam in urbe Mysore in Carnatica in India meridionali iactus est.
3 Iulii—Secretarius Generalis Consociationis Nationum Ban Gi-mun Birmaniam visit, iunctae ducem Than Shwe conveniens et rei publicae causā incarceratos liberandos petens.
3 Iulii—Unio Africana Gentium Iudicio Criminali auxilium denegat, quia praeses Sudanensis ʿUmar Ḥasan Aḥmad al-Bašīr eo belli scelerum accusatus est.
3 Iulii—Russia Civitatibus Foederatis Americae viam aperit ut ad Afghaniam tela aërie transmittere possint.
3 Iulii—Sex homines, eorum tres impuberes, post incendium in turre cum duodecim tabulata ad habitandum utili Londinii moriuntur.
3 Iulii—Ioannes Demjanjuk idoneus declaratur liti habendo de 29 000 Iudaeorum morte eo indicte iuvata in hominum deprehensorum castro Treblinka.
3 Iulii—Duo operarii Britanniarum legati sedis Teheranensis de tumultibus incendendis iudicabuntur.
3 Iulii—Manuel Pinho, Lusitaniae minister oeconomicus, se abdicat, postquam legato adversario cuculi gestum monstravit.
3 Iulii—Corea Septentrionalis commendationem propagandam primam suam de cervesia Taedonggang emittit.
3 Iulii—Quidem duodecim milites Pakistanenses in aëre in Pakistania septentriooccidentali moriuntur.
2 Iulii—Tonitrua ac fulgura Eblanae aquarum alluvionem vastam, vias silice vel ferro ornatas claudendas ac evacuationes faciunt.
2 Iulii—Ad tempus factum regimen Hondurense coactum externum ad res novas recentes evertendas abnuet, dicens spem praesidis depulsi Manuelis Zelaya restituendi nullam esse.
2 Iulii—Amnestiae Internationalis nuntius asserit actiones militares Israeliticos et missilibus impetus Palaestinenses intra bello in Lacinia Gazetica crimina bellica fuisse.
1 Iulii—Tres operarii Britanniarum legati sedis Teheranensis liberantur, postquam comprehensi sunt, quia indicte in tumultibus Iranianis propter scrutinium praesidiale partes egerant.
1 Iulii—Triginta homines mortui esse metuuntur, postquam Indica navis commercialis Demas Victory in Sinu Persico fluctuoso apud caput Quatarense ad-Dawḥa voluta et mersa est.
1 Iulii—Croatiae minister primus Ioannes Sanader se circiter transactione cum Unione Europaea incapace procedendi et discrimine oeconomico abdicat.
1 Iulii—TerreStar-1, Americanum communicationis satelles commerciale maximum umquam constructum proficienter emittitur.
30 Iunii—The Pirate Bay, unus vestigatorum maximorum tabulae communicandi BitTorrent in mundo, se societate Global Gaming Factory X pro 7.8 millionibus dollariorum emi confirmat.
29 Iunii—Civitatum Foederatarum Americae Aeris Exercitus simplex missile ballistarium Minuteman III inter continentes ex litore Californico supra Oceanum Pacificum 6 750 km longe experiendi causa emittit.
28 Iunii—Russia omnia aleatoria legalia in civitate ad diem Mercurii claudet.
27 Iunii—Consociatio ex pacto Atlantico Septentrionali et Russia nexibus militaribus restitudendis decem mensibus post bello in Georgia concordant.
26 Iunii—Praeses Hondurensis Manuel Zelaya iudicii supremi imperio summum strategum Romaeum Vásquez Velásquez restituere iubenti parere non vult. Hoc est pars controversiae procedentis de constitutione eiusque commuatatione per plebiscitum.
25 Iunii—Birmania abnuet vinculum quodvis inter se et navem septentriocoreanam Kang Nam 1, quam Civitates Foederatae Americae indagant, quia de tela in Birmaniam traiciendo — navium retentionem Consociatione Nationum imperatam violans — suspecta est.
25 Iunii—Russiae iudicium supremum litem novam contra tres viros propter caedem diurnariae Annae Politkovskaja accusatos iubet.
25 Iunii—Michael Jackson, cantor Americanus, subito moritur.
25 Iunii—Farrah Fawcett, actrix Americana, moritur.
24 Iunii—Telum igniferum duos homines occidit et sex alios nocet in Tzetzenia in Russia meridionali.
23 Iunii—Quattuor pedilusores Iraniani — Ali Karimi, Mehdi Mahdavikia, Hosein Kaebi et Vahid Hašemian — in otium conceduntur post eorum gestum intra certamen contra Coream Meridionalem Seouli.
23 Iunii—Ucraina 17 Ianuarii 2010 constituit ut diem scrutinii praesidis, quod pro civitatis cursu futuro grave esse dicitur.
20 Iunii—Museum Acropoleis Athenis in Graecia aperitur.
19 Iunii—Influentia porcina in Aethiopia et Slovenia confirmatur.
18 Iunii—Pinnipedium praeda venatica Canadensis hoc anno minor quam exspectabatur est.
17 Iunii—Ralf Dahrendorf, philosophus Germano-Britannicus moritur.
16 Iunii—Russia propositum missionem speculatoriam Consociationis Nationum in Georgia amplificandi vetat.
16 Iunii—Duo politicorum reformatores in Irania capiuntur.
15 Iunii—Congressus Sodalitatis Siamhaevensis pro Auxilio atque conventus umquam primus Brasiliae Russiae Indiae Sinarumque (BRIC) Catharinoburgi in Russia occidentali eveniunt.
15 Iunii—Petrus Ngaiohni praeses vicarius Novocaledonicus eligitur.
14 Iunii—Rutheniae Albae praeses Alexander Lukašėnka congressum Consociationis ex Contractu de Securitate Collectiva Mosquae adesse abnuet, quia Russia lactis lactariorumque Albaruthenicorum commeatum vetavit.
13 Iunii—Volatus propositus naviculae spatialis Endeavour amissionis hydrogenii gasiformis causa differtur.
11 Iunii—Consociatio Mundialis Sanitatis influentiae porcinae procursum praesentem declarat morbi contagiosi divulgationem omnibus impendentem sive pandemiam esse, primam ab influentia Hongcongensi anno 1968.
11 Iunii—Televisio Bosnensis fusum magnetoscopicum recentem Ratko Mladić, auctoris excidii gentium non-Serbicarum suspecti et summi strategi Belli Bosnensis, exhibet.
10 Iunii—Novem metallarii mortui et quattuor adhuc absenti sunt post incommodum in carbonum fodina Donetsci in Ucraina orientali.
10 Iunii—Russia sex milia tonnarum gasii nervosi in Ščuč'e in Regione Curganensi in Russia media delere incipit.
10 Iunii—41 corpora ex volatu 447 societatis Air France adhuc sublevata sunt.
8 Iunii—Praeses Gabonensis Omar Bongo 73 annos natus infarctus cordis causa moritur.
8 Iunii—Haroldus Norse, poeta Americanus, Franciscopolite moritur.
7 Iunii—Scrutinium parlamentarium in Unione Europaea in Austria, Belgica, Bulgaria, Dania, Estonia, Finlandia, Francia, Germania, Graecia, Hispania, Hungaria, Italia, Lithuania, Lusitania, Luxemburgo, Polonia, Romania, Slovenia et Suecia finem habet.
7 Iunii—Spiritus homophylophili festum septimanarium Siamhaevi in Sinibus orientalibus prima vice componitur.
6 Iunii—Scrutinium parlamentarium in Unione Europaea in Italia, Cechia, Slovacia, Lettonia, Cypro, Melita et Franciae praefecturis territoriisque transmarinis procedit.
6 Iunii—76 homines in aurifodina societatis Harmony Gold in Civitate Libera in Africa Australi media moriuntur.
6 Iunii—Societas Palm, Inc. suum novum telephonium callidum Palm Pre repraesentat.
5 Iunii—Scrutinium parlamentarium in Unione Europaea in Cechia et Re publica Hibernica procedit.
5 Iunii—Telum igniferum novem homines in taberna caldaria Bagdadi in Iraquia occidit.
5 Iunii—Philippus Gomès ut praeses novocaledonicus eligitur.
4 Iunii—Scrutinium parlamentarium in Unione Europaea in Britanniis et Nederlandia initium coepit.
31 Maii—Denny Menchov, birotarius Russicus pro grege Rabobank certans, nonagensimum secundum Circuitum Italiae vincit. In eodem certamine, Stephanus Garzelli classificationem montium (ut Rex Montium), Danilo Di Luca classificationem punctorum, Coemgenus Seeldraeyers classificationem vectorum iuvenum, et Astana classificationem gregum vincunt.
30 Maii—Germania assumptionem ergasterii autocinetici Opel societate Canadensi Magna International approbat.
29 Maii—Ministerium defensionis Civitatum Foederatarum Americae securitatis computatoriae curam creabit.
29 Maii—Mediorum vulgatoriorum societates Americanae Time Warner et AOL sodalitatem suam finiunt.
29 Maii—Aggeres rumpuntur in Piauhy, civitate boreoorientobrasiliensi; quattuor homines mortui sunt.
29 Maii—Astronavis Sojuz TMA-15 apud Gentium Stationem Cosmicam in anchoris est.
29 Maii—Corea Septentrionalis spatii brevis missile ballistarium emittit.
28 Maii—Societas General Motors petit, ut Germania eius ergasteria autocinetica adiutoria Opel et Vauxhall Motors debitis privet.
28 Maii—Sedecim homines mortui et plus quam viginti nociti sunt post laophori incommodum apud Jambol in Bulgaria meridiorientali.
27 Maii—Russia uranium pretii milliardi dollariorum Civitatibus Foederatis Americae ad earum pilas nucleares civiles tradet.
27 Maii—Pedilusorum Societas Barcinonensis Pedilusorum Societatem Unitam Mancuniensem superat et Campionum Certamen UEFA vincit.
27 Maii—Navis militaris antipiratica navem piscatoriam Iemenensem in Mari Rubro delet; quidem duo homines mortui sunt.
27 Maii—Russiae societas investitoria Digital Sky Technologies 1.96% retis socialis Facebook emit.
27 Maii—Astronavis Sojuz TMA-15 ex Russiae portu caelesti Baikonurensi in Casachia media avolat.
26 Maii—Sueciae copiae navales capiunt septem Somaliae piratas, cum ei Graeciae navem rapere volunt.
26 Maii—Corea Septentrionalis praeterea duo missilia probat.
23 Maii—Concilium Foederale Germaniae Horstum Köhler ut praesidem foederalem Germaniae iterum eligit.
23 Maii—Telum igniferum duos homines occidit et duodecim alios nocet in Kathmandu in Nepalia.
22 Maii—Navicula spatialis Atlantis appulsum suum ad Centrum Caeleste Kennedyanum in Florida in Civitatibus Foederatis Americae meridionalibus praeparat.
21 Maii—Civitates Foederatae Americae Phylarchiarum Arabicarum Confoederationi energiam nuclearem dare volunt.
21 Maii—Vir, qui Serbiae praesidi quidem unā pilā igniariā intra eius domum amplam officialem Belgradi impendebat, se dedit.
20 Maii—Pedilusorum Societas "Metallarius" Donetscensis Gymnicorum Societatem "Pulvinum" Bremensem superat et Calicem UEFA lucratur.
20 Maii—Iaponiae oeconomia intra anni 2009 tres menses primos 4% cadit.
19 Maii—Brianus Mulroney, minister primarius Canadensis pristinus, de relatione inter se et telorum mercatorem Carolum Henricum Schreiber testatur.
19 Maii—Societas olearia Brasiliensis Petrobras et Res Publica Popularis Sinarum contractum de decem miliardis dollariorum paciscunt.
19 Maii—Civitates Foederatae Americae et Russia de substitutione Contractus de Telorum Strategematicorum Restrictione, qui exit, pacisci incipiunt.
19 Maii—Somaliae piratae Germaniae navem onerariam Patriot liberant.
19 Maii—Baharina Agrem Merulensem sancit.
18 Maii—Taprobanes regimen finem belli civilis sui contra Tigres Tamil indicit.
17 Maii—Terrae motus magnitudinis 4.7 urbes Californicas Inglewood et Lennox in Civitatibus Foederatis Americae occidentalibus afficit.
16 Maii—Alexander Rybak, civitate Norvegus origine Albaruthenus, Cantus Eurovisionis Certamen 2009 Mosquae lucratur.
16 Maii—India et Turcia influentiae porcinae casus suos primos confirmant.
15 Maii—Interfectoris impetus tres homines in Sölƶ-Ġala in Tzetzenia in Russia meridionali occidit.
15 Maii—Sedecim oeconomiae Zonae Euronis intra anni 2009 tres menses primos 2.5% cadunt.
15 Maii—65 gentes indigenae tumultum contra regimen Peruvianum indicunt.
14 Maii—Chrysler 789 negotiatores in totis Civitatibus Foederatis Americae claudit.
13 Maii—Pelicula Up a Pixar animatio prima fit, quae Pelicularum Certamen Canoense exorditur.
13 Maii—Papa Benedictus XVI civitatis Palaestinensis creationem defendit.
12 Maii—Ioannes Demjanjuk, castri carceralis nazistici custos suspectus, Monacum Bavariae in Germania meridiorientali advenit, ubi lis contra eum initium coepiet.
12 Maii—Exercitus Pakistanianus ṭālibān basem militarem in Swat in Pakistania septentrionali aggreditur.
12 Maii—Civitates Foederatae Americae munus primum in Consilio Iurum Humanorum Consociationis Nationum obtinet.
11 Maii—Appellationis iudicium Iranicum diurnariam Americanam incarceratam Roxanam Saberi liberat.
11 Maii—Res Publica Popularis Sinarum influentiae porcinae casum primum suum confirmat.
10 Maii—Influentia porcina civem tertium Civitatum Foederatarum Americae occidit adque Australiam et Iaponiam divulgatur.
7 Maii—Sodalitas Orientalis, cuius sodales Adrabigania, Armenia, Georgia, Res publica Moldavica, Ruthenia Alba, Ucraina et Unio Europaea sunt, conventum suum primum Pragae in Cechia componit.
7 Maii—Incendium in aleatorio Dnipropetrovsci in Ucraina orientali decem homines occidit et decem alios vulnerat.
7 Maii—Argentaria Europaea centralis usuram Zonae Euronis ad 1% deminuit et sexaginta milliones euronum ex nihilo creat.
7 Maii—Canada mortem primam influentiae porcinae causa percipit.
6 Maii—Civitas Americana Cenomannica nuptias hominum eiusdem sexus legibus constituit.
5 Maii—Cechiae praeses Venceslaus Klaus subsignationem suam Contractus Olisiponensis senatu hoc ipso die approbati prolatat.
5 Maii—Numerus confirmatus casuum influentiae porcinae 1 490 in mundo toto attingit.
4 Maii—Coreae Meridionalis navis venatoria Coreae Septentrionalis navem onerariam a Somaliae piratis vindicat.
3 Maii—Helicopterum militare in Venetiola occidentali labitur; quidem duodeviginti homines mortui sunt.
3 Maii—Franciae navis bellica minor Nivôse undecim Somaliae piratas capit.
3 Maii—Nepaliae minister primus Pushpa Kamal Dahal abdicat.
1 Maii—Numerus confirmatus casuum influentiae porcinae 659 in mundo toto attingit.
1 Maii—Sedecim civitates influentiae porcinae casus primos suos nuntiant.
30 Aprilis—Consociatio Mundialis Sanitatis influentiae porcinae nomen ad influentiam A (H1N1) mutat.
29 Aprilis—Homo primus in Civitatibus Foederatis Americae influentiae porcinae causa moritur.
28 Aprilis—Russiae navis venatoria Admiral Panteleev 29 Somaliae piratas suspectos in Adeni sinu capit.
27 Aprilis—Aedilis in calore iracundiae duos homines Mosquae in Russia occidit.
24 Aprilis—Genomatis bubuli compositio invenitur.
23 Aprilis—Mundi oeconomia usque ad anno 2010 non resumetur secundum praedictum Aerarii Monetarii inter Civitates.
23 Aprilis—Iaponia inopiam commercialem primam suam ab anno 1981 nuntiat.
21 Aprilis—Planeta extrasolaris minimus Gliese 581 e invenitur.
17 Aprilis—Argentaria American Sterling Bank in urbe Missuriensi Sugar Creek in Civitatibus Foederatis Americae mediis clauditur.
17 Aprilis—Cechia Rutheniae Albae praesidem Alexandrem Georgii filium Lukašènka ad Maii conventum Unionis Europaeae invitat.
17 Aprilis—Iaponia fasciculum, qui quindecim millionibus millionum ienorum est, nuntiat ut oeconomiam suam meliorat.
17 Aprilis—Serbiae praeses Boris Tadić Agrem Merulensem visit.
17 Aprilis—Lis contra Mahometem Ajmal Amīr Kasāb resumitur.
13 Aprilis—Hominum vagorum deversorium Camini in Polonia septentriooccidentali incendio consumitur. Quidem 22 homines mortui sunt.
8 Aprilis—Sinarum Russiaeque investigatores clandestini cybernetici retem electricam Civitatum Foederatarum Americae indicte penetrant.
6 Aprilis—Fortissimus terrae motus multa aedificia urbis Italicae Aquilae et vicorum propinquorum deruit. Multae sunt etiam victimae.
4 Aprilis—Georgius Ivanov Societate Seditiosā Macedonicā Interiore — Factione Populari pro Unitate Gentili Macedonica adiutus in scrutinio praesidiali Rei publicae Macedonicae praevalet.
3 Aprilis—Nuptiae hominum eiusdem sexus in Iova Iudicio Supremo huius civitatis Americanae constituuntur.
2 Aprilis—Societas securitatum duplicium Swiss Re mille munerum abrogabit.
1 Aprilis—Telum igniferum prope traminum stationem Petropoli in Russia septentriooccidentali displodit et statuam Vladimiri Lenin affligit.
1 Aprilis—Pars ultima libellorum scaenographicorum septuagenariorum Guiding Light societatis CBS die 18 Septembris emittetur.
1 Aprilis—Civitates Foederatae Americae et Russia consultationem de telorum strategematicorum terminatione incipiunt.
1 Aprilis—Albania et Croatia Consociationem ex pacto Atlantico Septentrionali sunt.
1 Aprilis—Ucraina praesidis scrutinium die 25 Octobris constituet.
31 Martii—Septem Somaliae piratae capiuntur post impetum eorum erroris plenum contra militiae navalis Germanicae navem FGS Spessart in Adeni sinu.
30 Martii—Quidem 18 homines occiduntur et 95 vulnerantur post Taliban impetum contra Academiam Aediliciam in urbe Orientopakistaniana Lahore.
30 Martii—Res publica Popularis Sinarum Tibetum peregrinatoribus voluptariis die 5 Aprilis aperire vult.
29 Martii—Interemptor in lechodochio in urbe septentriocaroliniana Carthage in Civitatibus Foederatis Americae meridiorientalibus quidem octo homines occidit et tres alios vulnerat.
29 Martii—Foedus pro Monte Nigro Europaeo 48 ex 81 sellis in Coetu Rei publicae Mons Niger vincit.
28 Martii—Hominum multitudo magna Telluris Horam agnoscunt ac luces irritas exstinguunt.
27 Martii—Aediles cum fautoribus de Hibernia Septentrionali et Polonia post certaminis mundani pediludium decretorium Belfastii confligunt.
27 Martii—Russia vim militarem condere vult ut vindicationes territoriales suas in Arctide defendit.
26 Martii—Laophori et autocineti onerarii concursus in urbe Petuški in Regione Volodimiriensi in Russia media quattuordecim homines occidit ac quattuor alios vulnerat.
26 Martii—Franciae Russiaeque mathematicus Michael Leonidae filius Gromov Praemium Abel anni 2009 obtinet.
26 Martii—Reliquiae vehiculi aërii McDonnell Douglas DC-10 societatis Arrow Air Manaum in Brasilia septentrionali percutit.
26 Martii—Expeditio 19 ad Gentium Stationem Cosmicam intra Sojuz TMA-14 e Russiae portu caelesti Baikonurensi in Casachia media avolat.
24 Martii—Georgius Ivanov Societate Seditiosā Macedonicā Interiore — Factione Populari pro Unitate Gentili Macedonica adiutus in serie prima scrutinii praesidialis Rei publicae Macedonicae praevalet.
24 Martii—Cechiae minister primarius Miroslaus Topolánek dimittit post amissionem suam suffragii de fide in Legatorum Domo.
24 Martii—Francia victimis probarum nuclearium in Algeria et Polynesia Francica damnum compensare vult.
24 Martii—Iaponia Coream Meridionalem superat ac in Basipilae Certamine Mundano praevalet.
22 Martii—Vehiculum aërium Pilatus PC-12 prope urbem Montanensem Butte in Civitatibus Foederatis Americae occidentalibus de caelo labitur et septendecim homines occidit.
22 Martii—Mons ignivomus Alascanus Ridaut in Civitatibus Foederatis Americae occidentalibus erumpit.
22 Martii—India ac Pakistania telorum coniectus prope Custodiae Lineam Casimiram inter se mutant.
21 Martii—Quidem 21 homines in dimicatione in Dagestania in Russia meridionali occiduntur.
19 Martii—Corea Septentrionalis duos diurnarios societatis Americanae Current TV prope confinium Sinicum suum detinet.
18 Martii—Novi Mexici gubernator Gulielmus Richardson poenam capitalem in hac civitate Americana occidentali abrogat.
17 Martii—Explorator Campi Gravitatis et Circulationis Oceani Status Firmi, satelles a Spatii Agentia Europaea factus, e portu caelesti Plesetscensi in Regione Archangelopolitana in Russia septentrionali in caelum adscendit.
15 Martii—Plus quam quingenti advocati Decuriae Pediludiaris "Zenithum Petropolis" Mosquae capiuntur post seditionem propter pugnam contra Decuriam Pediludiarem "Spartacus Mosqua".
15 Martii—Leophorheium Discovery e Centro Caelesti Kennedyano in Florida in Civitatibus Foederatis Americae meridionalibus in caelum feliciter adscendit.
14 Martii—Russia aëroplana militaria in Cuba vel in insula Venetiolā oblata patefacere potest secundum magistrum chortis coeli Russiae.
12 Martii—Cosmonautae intra Stationem Cosmicam Internationalem ad Russiae folliculum tumultuarium brevi deicuntur, quia stramentum cosmicum praeterit.
10 Martii—Cantus Eurovisionis Certamen Georgiae gregem pop Stephane & 3G et cantum eius We Don't Wanna Put In vetat.
9 Martii—Belavia Agrem Merulensem agnoscit.

Keplerus in caelum adscendit.

7 Martii—Telescopium spatiale Keplerus, quod quaeret extrasolares planetae telluricae, in caelum adscendit.
7 Martii—Malaesiae Aediles Regii clamores in Cuala Lumpur contra usum linguae Anglicae in scholis contundunt.
4 Martii—Cautionis Officium Ucrainicum praetorium societatis Naftohaz Kioviae incurrit.
3 Martii—Societatis Jukos mercator priscus Michael Boris filius Chodorkovskij iterum iudicatur criminum argentariorum causa.
1 Martii—Archeologi Belgici reveniunt sepulchrum apud Luxor in Aegypto.
26 Februarii—Iudicium Internationale pro Criminibus in Iugoslavia Prisca Serbiae praesidem priscum Milan Milutinović criminibus militaribus accusatum liberat.
25 Februarii—Tabula geographica Montium Gamburcevianorum sub glacie Antarctica facta est.
25 Februarii—Serbia undecim magistratus Belgradenses manumittit, quia fugam sicarii Milorad Ulemek iuvabant.
25 Februarii—Magister aedilicius priscus Estoniae Hermanus Simm ad 12.5 annos incarceratus est, quia indicia de Consociatione ex pacto Atlantico Septentrionali Russiae vendebat.
22 Februarii—Pellicula Slumdog Millionaire (Millionarius e Colonia Proletaria) octo Academiae Praemia, etiam Pelliculam Optimam ac Moderatorem Optimum pro Danielem Boyle, meret. Ioannes Penn Actor Optimus fit personae eius in Milk (Lac) causa; Catharina Winslet Actrix Optima fit personae eius in The Reader (Lector) causa.
22 Februarii—Quidem 73 cunicularii mortui sunt post "explosionem" in carbonis cuniculo in Gǔjiāo in Sinis septentrionalibus.
22 Februarii—Consilium Europaeaum Berolini in Germania convenit ut de crise oeconomica consultat.
22 Februarii—Somaliae piratae Graeciae navem MV Saldanha in Adeni sinu abripiunt.
22 Februarii—Tigres Tamil decem homines in Kirimatiyagara in Sri Lanca orientali occidunt.
22 Februarii—Captivi Graecus Basileus Palaeocostas et Albanus Alket Rizai ex carcere Corydallus Athenis helicoptero effugiunt.
22 Februarii—Carcer Abu Ghraib in media Iraquia nomine novo "Carceris Medii Bagdatensis" iterum aperitur.
22 Februarii—Impetus per bombam in foro ẖan el-ẖalili Cairi in Aegypto Franicae turistam occidit ac viginti nocet.
22 Februarii—Vietnamiae minister primus Nguyễn Tấn Dũng petrolei diylisterium primum in hac civitate aperit.
22 Februarii—In Australia est luctus dies propter 209 hostias ignis in bush in Victoria.
22 Februarii—Impetus Al-Šabaab quidem undecim pacis defensores Burundienses occidit ac quindecim nocet in Unionis Africanae base militari Mogadiscione in Somalia.
21 Februarii—Italiae Factio Democratica ducem vicarium Darium Franceschini ut ducem novum suum designat.
21 Februarii—Exercitus occidentalis tredecim homines in Guzara in Aria in Afgania occidentali occidit.
21 Februarii—Quidem decem homines mortui ac viginti nociti sunt post traminis laophorique conflictionem in Slovachia centrali.
21 Februarii—Circa 120 000 homines contra regimen ac crisem oeconomicam argentariamque Eblanae in Hibernia queruntur.
21 Februarii—ṭālibān et Pakistania de indutia sempiterna in Provincia Limitis Septentrio-Occidentalis contrahunt.
20 Februarii—Auri pretium mille dollariorum adventat.
20 Februarii—Civitates Foederatae Americae Beniaminum Mohammed ad Britannias referre volunt post quattuor annos in castro carcerali Guantanamensi.
20 Februarii—47 homines nocentur post fluctum volatus ex Philippinis ad Iaponiam per Northwest Airlines.
20 Februarii—Accusator generalis Neo-Eboracensis Andreas Cuomo ducem Bank of America Kenethum Lewis accusat emptionis Merrill Lynch causa.
20 Februarii—Accitor 25 homines in Dera Ismail Khan in Pakistania septentrionali occidit.
20 Februarii—Societas perdita Saab tegmen contra creditores petit.
20 Februarii—Praeses Israelenus Simon Pheres ducem Lichud Beniaminum Nethaniahu pro creatore regiminis novi civitatis optat.
20 Februarii—India 25 mortes viro hepatitidis B effectas in civitate occidentali Guiarato scrutatur.
20 Februarii—Praeses consilii ministrorum Lettoniae Ivars Godmanis et regimen eius abdicat.
20 Februarii—Tigres Tamil Colombo in Sri Lanca occidentali aërie assultant; duo homines mortui et quidem quadraginta nociti sunt.
19 Februarii—Praeses Civitatum Foederatarum Americae Barac Obama cum ministro primario Canadensi Stephano Harper Ottavae conveniunt.
19 Februarii—Res Publica Popularis Sinarum nivem artificiose edat ut aritudinem lenit.
19 Februarii—Franciae navis Danton in Mari Mediterraneo invenitur.
19 Februarii—Chirgisiae Consilium Supremum Manas Caeli Basem Americanam claudere vult.
19 Februarii—Russiae iudicium tres iutores caedis diurnariae Annae Stephani filiae Politkovskaja liberat.
19 Februarii—Cognitionis Officium Foederale Americanum Alanum Stanford, fraude accusatum ducem Stanford Financial Group, in Virginia in Civitatibus Foederatis Americae meridionalibus invenit.
19 Februarii—Palaestinenses tria incendia ad Israelem intorquerent.
19 Februarii—Exercitus Nigeriensis duos Russiae obsides liberat.
18 Februarii—General Motors 47 000 operas abrogare vult.
18 Februarii—Limitis Russici Custodia commercii navem Hongcongensem demergit. Octo homines mortui sunt.
18 Februarii—Verizon Wireless societatem Alcatel-Lucent venditorem initialem apparatuum suorum quartae aetatis pro communicatione sine fibrarum optat.
18 Februarii—Administratio aeronautica et spatialis Americanorum et Europaea Spatii Agentia missionem suam ad Europam, Iovem, Titanem ac Saturnum extendere volunt.
18 Februarii—Nuntiator Televisionis Geo in valle Swat in Pakistania septentrionali bello occiditur.
18 Februarii—Legatorum Camera Cechica Contractum Olisiponensem approbat.
17 Februarii—Praeses Civitatum Foederatarum Americae Barac Obama legem de refectione oeconomica Denverii in Colorato in Civitatibus Foederatis Americae occidentalibus subscribit.
17 Februarii—Rerum argentariarum minister Iaponicus Shōichi Nakagawa in Aprile abdicare vult.
17 Februarii—Adiutor Factionis Democraticae Italiae Gualterius Veltroni abdicat.
17 Februarii—California 20 000 regiminis operarios dimittere vult.
17 Februarii—Praeses Civitatum Foederatarum Americae Barac Obama 12 000 milites subsicivos ad Afganiam mittit.
17 Februarii—Accusationes contra The Pirate Bay ampliantur.
17 Februarii—Rerum peregrinarum ministra Civitatum Foederatarum Americae Hilaria Clinton ad Iaponiam advenit ut crisem oeconomicam et cautionem internationalem consulit.
17 Februarii—Obligationum et Commercii Commissio Americana Alanum Stanford, ducem Stanford Financial Group, fraude accusat.
16 Februarii—Iudicium contra BitTorrent indagatorem The Pirate Bay Holmiae in Suecia incipit.
16 Februarii—Iurisconsultus Israelenus dolo contra holocausti reliquiam accusatus capitur.
16 Februarii—Fabrica Mini (BMW) in Cowley in Comitatu Oxoniensi in Anglia centrali in Britanniis 850 operas abrogat.
16 Februarii—Britanniarum deminutio oeconomica 3.3% anno 2009 exspectatur.
16 Februarii—Pars 76 legis Britannicae contra tromocratiam efficax fit. Haec lex divulgationem indiciorum de exercitu vel officiis secretis punit.
16 Februarii—Increpitores contra vitae sumptus et aediles in Guadalupa confligunt.
15 Februarii—ṭālibān decem dierum indutiam in bello suo in valle Swat in Pakistania septentrionali nuntiat.
15 Februarii—Quidem quindecim homines mortui ac septem nociti sunt post ignem in deversorio in Molodëžnyj in Regione Astrachanensi in Russia meridionali.
15 Februarii—Mons ignifer Galeras in Columbia meridionali ardescit.
15 Februarii—Pars Londiniensis Societatis Britanniarum de Canceris Investigatione invenit "periculi receptorem", qui immunitatis reactionem contra cancerem fortasse coepit.
15 Februarii—Israel cum Hamas non paciscitur secundum ministrum primum Israelenum Ehud Olmert.
15 Februarii—Unio Nationalis Caren urbem Myawaddy in Birmania orientali assultat.
15 Februarii—54% suffragatorum Venetiolanorum cacumina temporalia magistratuum, etiam praesidis, removent.
15 Februarii—Britanniae exemplum primum hominis cum morbe Creutzfeldt-Jakob post plasmatis sanguinei contaminati praeceptionem confirmant.
14 Februarii—Secundum Hamas accusationem, Israel condiciones pacti de indutia inter Israelem ac Hamas mutat, itaque pacis opportunitatem subruit. Secundum ministrum primum Israelenum Ehud Olmert, Israelis condicio est captivi Gilad Salit liberatio.
14 Februarii—Pellicula La teta asutada ab moderatrice cinematographica Peruana Claudia Llosa Festi Internationalis Cinematographici Berolinensis 59i Ursum Aureum meret.
14 Februarii—Duo incendia ex aëroplano Civitatum Foederatarum Americae sine magistro quidem 25 homines in Waziristania Meridionali in Pakistania septentrionali occidunt.
14 Februarii—Iaponiae Observatorium Astronomicum Nationale Lunae tabulam topographicam primam complet.
14 Februarii—Somaliae piratae petrolei navem Iaponicam Chemstar Venus ac 23 nautas eius liberant.
13 Februarii—Maxmiliani Planck Societas pro Anthropologia Evolutiva Germanica et 454 Life Sciences Americana Hominis neanderthalensis genoma recensent.
13 Februarii—Aliquae aëroplana Airbus A340 societatis Virgin Atlantic Airways funes pravos continent secundum Societatem Cognitionis Casuum Aëroplanorum Hibernicam.
13 Februarii—Regimen Rei Publicae Popularis Sinarum duas sculpturas Tsingianas ab Yves Saint Laurent vult.
13 Februarii—Microsoft indulgentiam 250 000 dollariorum contra vermis computatorii Conficker creatorem imponit.
13 Februarii—Volatus 8456 aëroplano CityFlyer societatis British Airways apud aeriportum London City periculose egreditur.
13 Februarii—Peanut Corporation of America, societas Americana de Arache hypogaea, conturbator fit et interritum petit.
13 Februarii—Congressus Civitatum Foederatarum Americae legem de refectione oeconomica approbat.
13 Februarii—Sex nautae absunt post navis Sinicae MV Changhai 178 casum in Mari Sinico Meridionali.
13 Februarii—Hamaxostichus in Bhubaneswar in Orissa in India orientali exorbitat. 15 homines mortui et 150 nociti sunt.
13 Februarii—Aediles Zimbabuenses Roy Bennett, membrum Cursus pro Vice Democratica, perduellione accusant.
13 Februarii—Senatus Australianus incitamentum oeconomicum 42 milliardis dollariorum approbat.
13 Februarii—Hamas granatas ex auxilio humanitario facit secundum Israelis exercitum.
13 Februarii—Unicis tempus 1234567890 attingit 23:31:30 temporis universalis coordinati.
13 Februarii—Accitor in Karbala in Iraquia centrali quadraginta homines occidit ac sexaginta nocet.
12 Februarii—Theatrum Ford Vasingtoniae aperitur ducentorum annorum ab natale Abrahami Lincoln, praesidis Americani necati, causa.
12 Februarii—Sinarum societas Sanlu perdita fit.
12 Februarii—Parlamentum Europaeum Bruxellis diripitur.
12 Februarii—Papa Benedictus XVI holocausti abnegationem quam indignam et totaliter non gratam condemnat.
12 Februarii—Volatus 3407 Continental Airlines ad Clarence Center in Novo Eboraco in Civitatibus Foederatis Americae orientalibus cadit.
12 Februarii—Indiae mercator Moninder Singh Pandher et servus eius Surender Koli caedium causa condemnantur.
12 Februarii—Chylybis seminator Britannicus Corus 3 500 operas abrogat.
12 Februarii—Iaponiae societas electronica Pioneer televisionem non plus tractare ac 10 000 operas abrogare vult.
12 Februarii—Iraquiae parlamentum satisfactionem de Israele postulat impetus contra reactrum nucleare anno 1981 causa.
12 Februarii—Parlamenti Nederlandiensis membro ac religionis Islamicae calumniatori Gerardo Wilders accessus ad Britannias denegatur.
12 Februarii—ṭālibān rebelles 26 homines impetibus contra tres regiminis domus Caburae in Afgania occidunt.
12 Februarii—Australia luctus diem nationalem pro victimis ignis in bush in Victoria in Australia orientali nuntiat.
12 Februarii—Hamas duodeviginti mensium indutiam in proelio suo contra Israelem vult.
11 Februarii—Numerus colligationum ad reta cellularia quattuor milliarda attingit.
11 Februarii—Pulveris cosmici depositum mysterium intra Rectanguli Nebulam Rubram invenitur.
11 Februarii—Michiganiae democrata Ioannes Dingell membrum Camerae Repraesentantum Civitatum Foederatarum Americae longissime in officio fit.
11 Februarii—Naves piscatoriae Rei Publicae Popularis Sinarum Limitis Septentrionalis Lineam inter Coreas Septentrionalem Meridionalemque destituunt; fortasse Corea Septentrionalis incendia probat.
11 Februarii—Carolus Theodorus zu Guttenberg oeconomiae technologiaeque minister foederalis Germaniae fit.
11 Februarii—27 homines mortui sunt post accitoris impetum Caburae in Afgania.
11 Februarii—Communicationis satellites Iridium et Russiae in cosmo confligunt.
11 Februarii—Philippinarum Officium Piscatus ac Fontum Aquatilium plus quam ducentos delphinos in Bataan ex syrte eripiunt.
11 Februarii—Camera Repraesentantum Senatusque Civitatum Foederatarum Americae compromissionem de lege de refectione oeconomica attingunt.
11 Februarii—Dux coeli exercitus Adrabigani Rail Rzayev in Baku occiditur.
11 Februarii—Petrolei navis ac vasculorum navis apud Dubai in Phylarchiarum Arabicarum Confoederatione confligunt.
11 Februarii—Palaestinenses quattuor granatas ex pila ac incendium Qassām ex Lacinia Gazetica ad Israelem intorquerent.
11 Februarii—Plebis sepulcrum in loco archaeologico Tlatelolco Mexicopoli invenitur secundum nuntiationem Societatis Nationalis Anthropologiae et Historiae.
11 Februarii—Dux Cursus pro Vice Democratica Morgan Tsvangirai Zimbabuae minister primus novus fit.
11 Februarii—Anscharius Manutahi Temaru Polynesiae Francicae praeses fit.
10 Februarii—Senatus Civitatum Foederatarum Americae legem de refectione oeconomica approbat.
10 Februarii—Britanniae desideria nova de visis Boliviae Lesothi Africae Australis Suaziae Venetiolaeque civibus imponunt.
10 Februarii—Turbo in Lone Grove in Oclahoma in Civitatibus Foederatis Americae meridionalibus quidem octo homines occidit ac quinquaginta nocet.
10 Februarii—Legislatores in Israele designantur.
10 Februarii—Helvetiae societas argentaria UBS AG 15 000 operas abrogare vult.
10 Februarii—Autocinetorum seminator Anglicus Bentley 220 operas abrogat ac mercedes decrescit.
10 Februarii—Autocinetorum seminator Americanus General Motors 10 000 operas abrogare vult.
10 Februarii—Mexicum album usorum telephonorum gestabilium et exemplorum digitorum eorum habere vult.
10 Februarii—Africa Australis electionem generalem in 22 Aprilis facere nuntiat.
10 Februarii—Quinquaginta milia hominum in Guadalupa et Martinica contra vitae sumptus queruntur.
10 Februarii—Dollarium Zimbabuense detractatur; cholerae causa iam 3 000 homines mortui sunt.
9 Februarii—Ignis deversorium Mandarin Oriental Pechini in Re Publica Populari Sinarum consumit.
9 Februarii—Franciae regimen auxilium 6.5 milliardorum euronum pro vehiculorum motoriorum industria nuntiat.
9 Februarii—Locus mythicus natalis Dios apud Montem Lycaeum in Graecia meridionali fortasse invenitur.
9 Februarii—Rebelles Pakistaniani Poloniae machinatorem abreptum Petrum Stańczak decollant secundum videographiam.
9 Februarii—Iaponiae societas Nissan Motors 20 000 operas crisis oeconomicae causa abrogat.
9 Februarii—Episcopus Ricardus Williamson ex seminario Catholico Romano in Argentina removetur quia holocaustum negat.
9 Februarii—Accitor Tigrium Tamil in profugorum castrum in Sri Lanca 28 homines occidit ac 90 alios nocet.
9 Februarii—Triginta mumiae in sepulcro antico in Saccara in Aegypto septentrionali invenitur.
9 Februarii—Iam quidem 130 homines et 750 domus igne in bush in Victoria in Australia orientali consumpti sunt.
8 Februarii—Minister aerarii Civitatum Foederatarum Americae Timotheus Geithner nuntium de auxilio argentariis usque ad diem Iovis differt.
8 Februarii—Robertus Antonius Plant ac Alicia Krauss praemium Grammy de anni monumento propter Please Read the Letter merent. Viva la Vida ab Coldplay anni carmen fit.
8 Februarii—Manufollii lusor Dacoromanicus Marius Cozma occiditur ac duo alii nocentur post impetum cultro in Vesprimio in Hungaria occidentali.
8 Februarii—Venetiola undecim homines capit propter vim armatam in synagoga Caracis.
8 Februarii—Palaestinenses duo incendia ex Lacinia Gazetica ad Israelem intorquerent.
8 Februarii—Referendum de sempiterna libertate motus pro operariis ex Unione Europaea in Helvetia est.
7 Februarii—Praeses Bolivianus Evus Morales constitutionem novam sancit.
7 Februarii—Ignis in bush in Victoria in Australia orientali causa iam quidem 84 homines mortui sunt.
5 Februarii—Somaliae piratae Ucrainae navem Fajina pro lytro 3.2 millionibus dollariorum liberant.
2 Februarii—Pantopolium Civitatum Foederatarum Americae Macy's 7 000 operas abrogare vult.
2 Februarii—Mons Asama in Iaponia centrali erumpit.
2 Februarii—Ericus Holder a senatu Civitatum Foederatarum Americae confirmatur et iustitiae minister fit.
1 Februarii—Cyrillus patriarcha Ecclesiae Orthodoxae Ruthenicae fit.
1 Februarii—Francia Croatiam vincit et manufollii maris campionatum mundanum meret.
1 Februarii—Quattuor homines in taberna cafearia in Daghestania in Russia meridionali deicitur.
31 Ianuarii—Shenouda III, Papa Copticus, et Rowan Williams, Archiepiscopus Cantuarensis, inter se Alexandriae congressi sunt; quo facto, papa alios Societatis Anglicanae primates hospitio apud Patriarchatum Orthodoxum Copticum accepit.
31 Ianuarii—Senium domus in Re publica Comi in Russia septentrionali flagrat. Septem homines mortui sunt ac duodeviginti absunt.
31 Ianuarii—Russorum milia contra regimen queruntur crisis oeconomicae causa.
31 Ianuarii—Americana Serena Williams de CFA Tataram Dinara Michaelis filiam Safina de Russia vincit et mulierum singularum ludos tenniludii certaminis Australian Open anni 2009 meret.
30 Ianuarii—Aëroplanum Piper PA-34 apud Huntington in Virginia Occidentali in Civitatibus Foederatis Americae meridionalibus cadit. Sex homines mortui sunt.
29 Ianuarii—Somaliae piratae petrolei navem Germanicam MV Longchamp in Adeni sinu abripiunt.
28 Ianuarii—Boeing 10 000 operas abrogare vult.
27 Ianuarii—Vir laophorum cum 37 vectoribus in Bulgaria abripit ac post duas horas succumbit.
25 Ianuarii—Sri Lancae exercitus capit Mullaitivu, Tigrium Tamil arcem postremam in bello civili.
24 Ianuarii—Papa Benedictus XVI sacrum interdictum contra episcopos Fraternitatis Sacerdotalis Sancti Pii X, anno 1970 ab archiepiscopo Francico Marcello Lefebvre conditae, rescindit.
24 Ianuarii—Ventus fortis Hispaniam ac Franciam afflictat et quindecim homines occidit.
24 Ianuarii—Labina nivis in Saltu Scotiae tres monticolas occidit.
23 Ianuarii—Triginta nautae Sinarum navis Zhenhua 4 deni milia dollariorum obtinent pro pugna sua contra Somaliae piratis in Adeni sinu.
23 Ianuarii—Iaponia mundi primum satellitem deducit, ut conservatorii gasia spectat. Satelliti est nomen Ibuku ac is ex caeli portu Tanegashima deducitur.
23 Ianuarii—Numerus interretis usorum unicorum mense Decembri 2008 milliardum primitus attingit.
23 Ianuarii—Duo homines, et homicida et hostia, deiecti sunt in schola in Norvegia septentrionali.
23 Ianuarii—Britanniae deminutionem oeconomicam subeunt.
22 Ianuarii—Septem milites in Peuklote in Pakistania septentrionali capiuntur impetuum tromocraticorum Londinii 7 Iulii 2005 causa.
22 Ianuarii—Societatis Sanlu duo magistratus poenam capitalem in Re Publica Populari Sinarum obtinent scandali de lacte causa.
22 Ianuarii—Microsoft 5 000 operas abrogare vult, quia computatra personalia minus postulantur.
22 Ianuarii—General Motors mutui pensionem secundam 5.4 milliarda dollariorum obtinet.
22 Ianuarii—Nominationes Praemiorum Academiae nuntiantur.
21 Ianuarii—Sinarum Televisio Centralis partes irritabiles sermonis inauguralis praesidis Americani Barac Obama detrahit.
21 Ianuarii—Hilaria Clinton rerum peregrinarum ministra fit post approbationem Senatu Civitatum Foederatarum Americae.
21 Ianuarii—Machina aëroplani volatus 1549 US Airways in Hudsonico invenitur.
20 Ianuarii—Baracus Obama quadragensimus quartus Praeses Civitatum Foederatarum Americae fit.
20 Ianuarii—Plagiarii Graeciae magnatum maritimum Periclem Panagopulum liberant, quia lytrum solutum est.
20 Ianuarii—Russia gasii deductionem trans Ucrainam ad Unionem Europaeam resumit.
20 Ianuarii—Georgius W. Bush civis privatus fit et Vasingtoniam C.C. pro Texia relinquit.
19 Ianuarii—Scriptor Australianus Harrius Nicolaides in Thailandia pro tribus annis incarceratur criminis laesae maiestatis causa.
19 Ianuarii—Tenniludii certamen Australian Open anni 2009 Melbourni in Victoria in Australia australi incipit.
19 Ianuarii—Russia rubelum detractat, quia petrolei pretium decrescit.
18 Ianuarii—Tectum ecclesiae "Renasci in Christo" Urbi Paulistanae in Brasilia concidit, novem adoratores occidit et plus quam centum alios nocet.
18 Ianuarii—Res publica Sinarum nummismata pro emptores omnibus 22.7 millionibus civibus suis circumfundit ut oeconomiam 2.53 milliardis dollariorum stimulat.
18 Ianuarii—Labinarum series apud Caburam, Afganiae caput, quidem decem homines occidit et undecim alios nocet.
18 Ianuarii—Franciae helicopterum militare apud littore Gabonensi cadit et quidem septem homines occidit.
18 Ianuarii—Ruina aëroplani volatus 1549 US Airways recipitur ex Hudsonico.
18 Ianuarii—Israel exercitum suum ex Lacinia Gazetica meridionali removere coepit.
17 Ianuarii—Primus minister Israelensis indutiam unilateralem in bello contra Hamas edat, sed exercitus Israelensis in Lacinia Gazetica manet.
16 Ianuarii—Panama Agrem Merulensem agnoscit.
15 Ianuarii—Pakistania 124 homines praehendit cohercitionis contra tromocratiam causa.
14 Ianuarii—Ucraina gasii deductionem resumere non potest, quia Russiae societas Gazprom parum prebet secundum Ucrainae nuntiationem.
13 Ianuarii—Gasium paene nullum ad Unionem Europaeam trans Ucrainam ex Russia transmittitur.
13 Ianuarii—Yahoo! caput priscum Autodesk Carolinam Bartz magistratu exsecutivo maximo suo nominat.
13 Ianuarii—Citigroup contractum de societate cum Morgan Stanley nuntiat.
13 Ianuarii—Germaniae cancellaria foederalis Angela Merkel stimulum oeconomicum quinquaginta milliardorum euronum nuntiat.
11 Ianuarii—Unionis Europaeae magistratus ad Russiam gasii causa veniunt.
11 Ianuarii—Russiae praeses Demetrius Medvedev ministrum primum Vladimirum Putin incusat, quia regimen crisem argentariam parum cito tractat.
9 Ianuarii—Microsoft versionem betam systematis administrativi computatralis Microsoft Windows 7 promulgat.
8 Ianuarii—Russia Ucrainaque gasium ad Europam ductibus iterum mittere consentiunt.
8 Ianuarii—Corea Septentrionalis electionem ad Populi Comitium Supremum in 8 Martii facere nuntiat.
6 Ianuarii—Gasii deductio ex Russia trans Ucrainam ad Europam impossibilis fit, aut quia Russia nullum mittit, aut quia Ucraina tres ductus principales claudit.
3 Ianuarii—Certamen Dakarense 2009 Bonaëropoli in Argentina incipit.
2 Ianuarii—Ludovicus Fortuño fit Portus Divitis gubernator.
1 Ianuarii—Slovachia euronem adoptat et Euronis Zonae membrum sextum decimum fit.
1 Ianuarii—Virgin Galactic ac Novum Mexicum contractum de volatibus institoriis ad cosmum infra ambitum in Spaceport America apud Las Cruces ac Truth or Consequences in Civitatibus Foederatis Americae occidentalibus signant.
1 Ianuarii—Gazprom Ucrainae gasii venditionem cludit, quia consensus de pretio abest.