Vehiculum pusillum

E Vicipaedia
Salire ad: navigationem, quaerere
Autocineta pusilla

Vehiculum pusillum sive vehiculum lusorium est genus crepundiorum quod vehicula in parvo imitatur. Maxime placent pueris puellisque, qui iiscum valde ac grate ludunt. Quodvis genus vehiculorum quit figurari, exempli gratia autocinetum privatum, quod tam frequens est, ut nomen "autocinetum pusillum" lato sensu vehiculis omnibus simulatis saepe adhibeatur; finguntur enim et autocineta oneraria, autocurrus armati, tractoria nec non aëroplanua, helicoptera, naves multaque cetera. Struuntur plurimum e plastico atque metallo. Saepe in collectione habentur ut figurae vel imitationes clarorum vehiculorum.

Proprietates[recensere | fontem recensere]

Vehicula lusoria nonnulla effectus producere possunt qui pueros delectant: alia sonos stridentes emittunt, alia luces aut colores, alia etiam machinulas intus habent quibus se movere possunt, humana aut electrica vi adiuvante. Sunt autem vehicula quae etiam remote dirigi possunt gubernaculo undis radioelectricis utente.


scacci Haec stipula ad ludum vel ad exercitationem corporis spectat. Amplifica, si potes!