Vanessa tameamea
Ordo : Lepidoptera
Familia : Nymphalidae
Subfamilia : Nymphalinae
Genus : Vanessa
Species : V. tameamea
Vanessa tameamea (Havaiane pulelehua [1] ; Anglice Kamehameha butterfly) est papilio familiae Nymphalidarum, una ex duabus speciebus in Insulis Havaianis endemicae (alia est Udara blackburnii).[2]
Vanessa tameamea Havaianum civitatis insectum anno 2009 factum est.[3]
Latitudo alarum est 50–60 mm.
Larvae foliis plantarum familiae Urticacearum vescuntur,[4] praecipue Pipturi albidi (Havaiane māmaki[5]), atque adeo Urerae spp. (ōpuhe), Boehmeriae grandis (ʻākōlea), Touchardiae latifoliae (olonā), et Neraudiae spp. (maʻoloa).[4] Adulti a Novembri ad Ianuarium volare solent, cum sucum arborum Acaciae koa (Havaiane koa) sorbillant.[6]
Hic papilio ex Domu Kamehameha appellatur. Vox /t/ in Lingua Havaiana est antiquum phonematis hodie /k/ dictum allophonum, praeter verba carminum veterrimorum, ubi sonus priscus saepe conservatur.
Notae[recensere | fontem recensere]
- ↑ Hodiernum omnium papilionum Havaianorum nomen. Contra Wikipedia Anglica, sua origo non videtur "pulelo 'pendere in aere' + lehua 'flos Metrosideri polymorphae ': animal quod per aerem volitat, ab una lehua ad alia." Confer verbum Samoanum lelefua, fortasse < lele 'volare' + fua 'libere, fortuite').
- ↑ Oboyski, Peter T.. "Kamehameha Butterfly (Vanessa tameamea)". University of California, Berkeley
- ↑ Cooper, Jeanne (2009-08-21). "Emblems of Hawaii a surprise to many Americans". San Francisco Chronicle
- ↑ 4.0 4.1 Scott, James A. (1992). The Butterflies of North America: A Natural History and Field Guide. Stanford University Press. p. 281. ISBN 9780804720137.
- ↑ Little Jr., Elbert L.; Roger G. Skolmen (1989). "Mamaki" (PDF). Common Forest Trees of Hawaii (Native and Introduced). United States Forest Service
- ↑ Scott, Susan (1991). Plants and Animals of Hawaii. Bess Press. p. 78. ISBN 9780935848939.
Nexus externi[recensere | fontem recensere]
|
Vicimedia Communia plura habent quae ad Vanessam tameameam spectant. |
- "50. Kamehameha Butterfly" in Hawaii Biological Survey’s Good Guys & Bad Guys ex Museo Berenice P. Bishop, apud situm hbs.bishopmuseum.org
- "Hawaii's Butterflies" ex University of Hawaiʻi Insect Museum (University of Hawaiʻi at Mānoa), apud situm ctahr.hawaii.edu