Tueria

E Vicipaedia
Salire ad: navigationem, quaerere
Insigne Tueriae

Tueria[1], sive Tuera[1] et Twera[1], seu Tuveria[2], vulgo Tver (Russice Тверь, tr. Tver’), est urbs in Russia, metropolis regionis Tueriensis. Iuxta flumen Rha sita est. Tueriae sunt plus quam 410 milia incolarum (anno 2010).

Palatium, Tueriae annis 17641766 pro familia imperatoria Russica constructum

Tueria saeculo duodecimo condita est. Anno 1238 destructa fuit a copiis Mongolo-Tartarorum, sed mox restaurata est. Anno 1247 Tueria facta est caput ducatus, qui longo tempore erat adversarius principalis ducatus Moscoviensis in certatione pro dominatione in Ruthenia, sed anno 1485 a Moscovia adiunctus est. Annis 1931 - 1990 haec urbs Kalinin (Калинин), in honorem rerum politicarum periti Sovietici Michaelis Kalinin (qui natus est in vico gubernii Tueriensis Imperii Russici), nominabatur.

Tueria est sedes industriae, scientiae et culturae. Multas officinas, portum ad flumen Rha, stationem ferriviariam, duas universitates studiorum, quattuor musea, pinacothecam, tria theatra et circum habet.

Notae[recensere | fontem recensere]

  1. 1.0 1.1 1.2 J. G. Th. Graesse, Orbis Latinus (Dresdae: Schönfeld, 1861) html pdf
  2. Ph. Ferrarius, Lexicon geographicum, p. 498

Nexus externus[recensere | fontem recensere]

Commons-logo.svg Vicimedia Communia plura habent quae ad Tueriam spectant.