Traidos (princeps Siamensis)

Traidos Phrabandhu (ไตรทศประพันธ์; ab anno 1929 Devawongse Varodaya seu Devawongse II nuncupatus; natus die 11 Augusti 1883; mortuus die 5 Februarii 1943) fuit princeps Siamensis, filius principis Devawongse (qui minister rerum externarum fuit ab anno 1881) et de ea re nepos regis Mongkut. Traidos anno 1912, eo tempore Londinii degens, ad Civitates Foederatas Americae proficisci voluit in navi Titanic ut in legatione Siamensi munus acciperet, sed, sartore quodam Londiniensi eum retinente, e demersu navis evasit. Legatus fuit Vasingtoniae a die 22 Maii 1912 usque ad 8 Decembris 1913 et postea subminister rerum externarum; hoc munus tenens anno 1919 fuit particeps deliberationis de pace componenda Lutetiae facta. Patre anno 1923 mortuo, ipse factus est minister rerum externarum; anno 1931, inter consiliarios supremos regis numeratus est. Ex his muneribus anno 1932, novis rebus motis, deiectus est.

Unam genuit filiam, nomine Panthip Devakul, quam anno 1930 in matrimonium duxit princeps Chumbhot, filius Paripatra.

Nexus interni

• Participantes deliberationis de pace componenda (1919)

Nexus externi

• Genealogia (Anglice)
• Index legatorum Siamensium apud C. F. A. et hic et hic

Bibliographia

• Chula Chakrabongse, Lords of Life: the paternal monarchy of Bangkok 1782-1932 (Londinii: Alvin Redman, 1960) p. 306.
• M. R. Panthip Chumbhot, My Life and My Interests. Bancoci, 1969/ [Liber de vita sua a filia principis Traidos scriptus/]

Ministri rerum externarum Thailandenses

Bhanurangsri • Devawongse • Traidos • Srivisaravaja • Abhibanrajamaitri • Phahon Phonphayuhasena miles • Srisena • Pridi Phanomyong • Sridharmadhibes • Plaek Phibunsongkhram miles • Direk Jayanama • Plaek Phibunsongkhram miles • Vichitr Vadakarn • Direk Jayanama • Srisena Sampatisiri • Seni Pramoj • Direk Jayanama • Thawan Thamrongnawasawat • Arthakitti Banomyong • Srivisaravaja • M. C. Priditheppong Devakul • Plaek Phibunsongkhram miles • Pote Sarasin • Warakan Bancha • Wan Waithayakon • Thanat Khoman • Thanom Kittikachorn • Charunphan Isarangkun Na Ayuthaya • Bhichai Rattakul • Chatichai Choonhavan • Bhichai Rattakul • Upadit Pachariyangkun • Siddhi Savetsila • Subin Pinkayan • Arthit Ourairat • Arsa Sarasin • Pongpol Adireksarn • Arsa Sarasin • Prasong Soonsiri • Thaksin Shinawatra • Krasae Chanawongse • Kasem S. Kasemsri • Amnuay Viravan • Prachuab Chaiyasan • Surin Pitsuwan • Surakiart Sathirathai • Kantathi Suphamongkhon • Nitya Pibulsongkram • Noppadon Pattama • Tej Bunnag • Saroj Chavanaviraj • Sompong Amornwiwat • Kasit Piromya • Surapong Tovichakchaikul • Phongthep Thepkanjana • Thanasak Patimaprakorn • Don Pramudwinai • Parnpree Bahiddha-Nukara Opus geopoliticum • Ministri a rebus externis civitatum Asiaticarum hodiernarum Capsae cognatae: Primi ministri Thailandiae