Titus Quinctius L.f. Capitolinus Barbatus

E Vicipaedia
Salire ad: navigationem, quaerere

Titus Quinctius L.f. Capitolinus Barbatus (nescimus, quando natus quandove mortuus sit) senator Romanus saeculi quinti a.C.n. erat.

Familia [recensere]

Pater eius quidam Lucius, frater Lucius Quinctius Cincinnatus dictator ac consul, filius Titus Quinctius T.f. Capitolinus Barbatus, consul anni 421 a.C.n. fuit.

Cursus honorum [recensere]

Titus Quintius sexies consul rei publicae Romanae erat. Primo anno 471 a.C.n. inter certamina ordinum electus est. Cum collega eius Appius Claudius Ap.f. Crassus Inregillensis Sabinus etiam vi contra legem tribunis plebis rogatam de eligendis tribunis certavit, Quinctius concordiam adipsci conatus est. Eodem anno contra Volscos feliciter certavit, cum collega a militibus suis relectus contra Aequos cladem accipit[1]. Anno 468 a.C.n. iterum consul electus iterum contra Volscos pugnavit et triumvir agris dandis assignandisque colonias in agro Antii deduxit[2]. Anno 465 consul III erat et contra Aequos certavit, quod bellum et anno proximo proconsul duxit et Spurium Furium Medullinum consulem liberavit, qui Aequis circumventus est. Anno 465 a Quinctio et census actus est: Fuerunt tum 104714 cives Romani[3]. Anno 458 quaestor erat et anno 446 consul IV. Eo anno collegae Agrippae Furio Fuso auxilio tulit, qui insidiis Aequorum captus erat[4]. Anno 444 a.C.n. interrex erat. Anno 443 consul V concordiam ordinum domi petebat[5], cum Marcus Geganius M.f. Macerinus collega bellum contra Volscos duxit et triumphator Romam rediit. Anno 439 denique consul VI erat. Hoc anno coniurationem Spurii Maelii detexit et dictaturam Lucii Quinctii Cincinnati a senatu impetravit[6]. Anno 438 iterum milites in Etruscos duxit.

Notae [recensere]

  1. ↑ Titus Livius II 56-59
  2. ↑ Titus Livius, ab urbe condita II 64-65
  3. ↑ Livius III 3,9
  4. ↑ op. cit. III 66
  5. ↑ op. cit. IV 10, 8-9
  6. ↑ op. cit. IV 13,6


Antecessores:
Lucius Pinarius Mamercinus Rufus et Publius Furius Medullinus Fusus		 Consul
471 a.C.n.
cum
Appio Claudio Ap.f. Crasso Inregillensi Sabinus		 Successores:
Lucius Valerius M.f. Potitus (Publicola) II et Tiberius Aemilius L.f. Mamercinus (Mamercus)
Antecessores:
Titus Numicius Priscus et Aulus Verginius Tricostus Caeliomontanus		 Consul
468 a.C.n.
cum
Quinto Servilio Structo Prisco		 Successores:
Tiberius Aemilius L.f. Mamercinus (Mamercus) II et Quintus Fabius M.f. Vibulanus
Antecessores:
Quintus Servilius Structus Priscus II et Spurius Postumius A.f. Albus Regillensis		 Consul
465 a.C.n.
cum
Quinto Fabio M.f. Vibulano II		 Successores:
Aulus Postumius A.f. Albus Regillensis et Spurius Furius Medullinus Fus(i)us
Antecessores:
Marcus Geganius M.f. Macerinus et C. Iulius (Iullus?)		 Consul
446 a.C.n.
cum
Agrippa Furio Fuso		 Successores:
Marcus Genucius L.f. Augurinus et (Gaius aut Agripp.) Curtius Philo
Antecessores:
Trib. Mil. Cons. Pot., deinde Lucius Papirius Mugillanus et Lucius Sempronius A.f. Atratinus		 Consul
443 a.C.n.
cum
Marco Geganio M.f. Macerino II		 Successores:
Marcus Fabius Q.f. Vibulanus et Postumius Aebutius Helva Cornicen
Antecessores:
Proculus Geganius Macerinus et Lucius Menenius Agrippae f. Lanatus		 Consul
439 a.C.n.
cum
Agrippa Menenio T.f. Lanato		 Successores:
Trib. Mil. Cons. Pot.
Receptum de "http://la.wikipedia.org/w/index.php?title=Titus_Quinctius_L.f._Capitolinus_Barbatus&oldid=2448765"