Theudericus IV

E Vicipaedia
Salire ad: navigationem, quaerere

Theudericus IV (natus post annum 711, mortuus anno 737) erat paenultimus rex Francorum e domo Merovingorum ab anno 721 ad usque mortem. Filius fuit regis Dagoberti III, sed post eius mortem anno 715 non successit et a maiore domus Raganfrido, qui Chilpericum II regem fecit, in monasterium missus est. Anno 721, cum Chilpericus mortuus esset, a maiore domus Carolo Martello e monasterio liberatus atque rex totius regni Francorum factus est. Nihil de actis et consiliis eius regis novimus, omnia a maiore domus Carolo gesta esse videbantur. Anno 737 mortuus est, annis sequentibus sella regia Francorum vacabat, dum anno 743 filius Chilperici II Childericus III rex successit.