Sophia Alexii filia

E Vicipaedia
Salire ad: navigationem, quaerere
Sophia Alexii filia

Sophia Alexii filia[1] (Russice Софья Алексеевна, tr. Sof'ja Alekseevna; nata Moscuae die 27 Septembris 1657, mortua ibidem die 14 Iulii 1704), filia tzaris Alexii e domo regnatrice Romanovia uxorisque eius primae Mariae Miloslavskajae, annis 16821689, cum fratres eius iuniores Ioannes V et Petrus I tzares impubes fuere, regens Russiae fuit.

Cum tzar Theodorus III illiberis mortuus est die 7 Maii (27 Aprilis secundum Calendarium Iulianum) anno 1682, haeredes possibiles throni Russici fuere fratres eius iuvenes: Ioannes, tunc 15 annos agens (cum Theodoro et Sophia, filius tzaris Alexii e Maria Miloslavskaja), atque Petrus decennis (filius Alexii et uxoris eius secundae Nataliae Naryškinae). Ioannes, quum aetate senior, corpore menteque infirmus erat. Idcirco, die mortis Theodori III, Petrus, non Ioannes, a patriarcha Ecclesiae Orthodoxae Russicae et maioritate boiarorum declaratus fuit tzar Russicus. Sophia tamen, cum familia matris suae, contra situationem eam agebat, et mense Maii anni 1682 rebellionem copiarum saggitariorum (qui vulgo strel’cy nominantur) inspiravit. Rebellionis illius causa, Ioannes V et Petrus I coniuncte ut tzares Russiae coronati sunt, Sophia enim regens declarata est. Anno 1689, Petrus Sophiam e potestate removit et eam in monasterio Moscuae in custodiam ponuit. Post rebellionem sagittariorum anni 1698, a tzare crudeliter suppressam, Sophia vi nonna facta est, nomen Susannae data.

Nota[recensere | fontem recensere]

  1. "Sophia Alexii filia Romanov (1657–1704), regens annis 1682–1689..." (in: Opitius Pallavicini (1680-1688), p. 100)

Nexus externus[recensere | fontem recensere]

Commons-logo.svg Vicimedia Communia plura habent quae ad Sophiam Alexii filiam spectant.