Silesia

E Vicipaedia
Salire ad: navigationem, quaerere
Monitio: Huic imagini nondum est descriptio, quaesumus descriptionem addas.

Silesia (-ae, f.) est regio Europae mediae, quae primo millennio imprimis a Slavis culta est. Nomen regionis dicitur a Schlesso ortum esse; is Schlessus (vulgo: Schleß) habetur primus Silesiae rex, cuius subiecti fuisse pagani putantur. Alii nomen terrae a verbo repere derivatum esse suspicantur, quod Germanice schleichen indicat, et origo eius interpretationis ab iis sic explanatur, ut Christiani tempore fugiente paene cunctos paganos e regione eicerent, et eo modo quasi repentes paganos expellerent.

Anno 991 Silesia pars Poloniae erat ut in Dagome iudex legitur. Anno 1000 dioecesis Vratislaviensis subiecta archidioecesi gnesnensi erecta est. Postquam Boleslaus Krzywousty rex Poloniae anno 1138 inter natos suos regnum divisit Silesia semper dividebatur in multos parvos ducatus. In XIV saeculo ii ducatus extra Poloniam unitam remanuerunt et anno 1348 Casimirus Magnus rex Poloniae rego Bohemiae Silesiam cessit. Anno 1741 post bellum silesianum primum Fridericus II rex Borussiae in regnum suum magnam partem Silesiae incorporavit, quod confirmatum erat anno sequente. Anno 1871, cum secundum imperium Theudiscum conditum esset ea pars cum toto regno Borussiae facta est pars imperii et manebat usque ad finem belli orbis terrarum alteri, cum exercitus sovieticus Silesiam expugnaret, Theudiscos expelleret. Altera pars Silesiae (Silesia Austriaca) in potestate Habsburgensium remanebat usque ad finem belli orbis terrarum primi.

Hodie magna pars Silesiae borrusianae est pars Poloniae, cuius caput Vratislavia est; maximum flumen, quod per Silesiam et Vratislaviam fluit, est Viadrus velut, Polonice, Odra. Silesia austriaca spectat Bohemiam et Poloniam (Silesia Tessinensis).

Natura regionis dat incolis Silesiis imprimis carbonem lapideum, qui usque ad hodiernum diem civibus quaestum non modicum parat.

Plurimi regionis incolae lingua Silesica utuntur.

Silesia anno 1905

Geographia[recensere | fontem recensere]

Anno 1558 Philippus Melanchthon Silesios populo Elysiorum cuius mentionem Tacitus fecerat aequavit. Exinde Silesia etiam Elysium appellabatur. Grünberg in Schlesien Prasia Elysiorum appellabatur.[1][2][3]

Franciscus Faber "poeta optimus Reipublicae Wratslawiensis" contendebat Silesiam olim territorium Quadorum fuisse duce Maroboduo. Appellabat Silesiam "terram Quadorum".[1]

Urbes et oppida[recensere | fontem recensere]

Fluvii[recensere | fontem recensere]

Montes[recensere | fontem recensere]

Notae[recensere | fontem recensere]

  1. 1.0 1.1 Tomasz Kamusella: The Dynamics of the Policies of Ethnic Cleansing in Silesia in the Nineteenth and Twentieth Centuries. Open Society Institute, Center for Publishing Development, Electronic Publishing Program 1999, Budapest. (Anglice)
  2. Taciti Germania seu De situ: moribus et populis Germaniae libellus Von Cornelius Tacitus,Johannes von Gruber (Latine, Germanice)
  3. s:Disputatio:De origine et situ Germanorum (Germania) "Helisios"

Vide etiam[recensere | fontem recensere]

Nexus externus[recensere | fontem recensere]

Commons-logo.svg Vicimedia Communia plura habent quae ad Silesiam spectant.