Seditio Islamica

E Vicipaedia
Salire ad: navigationem, quaerere
Ruhullah Khumayni in Iraniam reditus die 1 Februarii 1979

Seditio Islamica (Persice انقلاب اسلامی enġelāb-e eslāmi) vocatur ea rerum Iranicarum eversio, qua rerum novarum cupidi anno 1979 Persiae imperatorem Machometum Reza Pahlavi sede deposuerunt regimenque Islamisticum erexerunt. Seditionis auctor fuit Ruhullah Khumayni tunc ex exsilio Francico redux. Sunt qui dicant illam rerum conversionem tertiam fuisse e tribus magnis, scilicet cum Francici imperii fine anno 1789, Russicique anno 1917 impetrata.[1]

Sensu ampliore dicitur seditio Islamica omnis in rem publicam impetus, qui theocratiam Islamicam condere imperiumque divinitatis peritis mandare sibi proponit. Quin Irania illam seditionem et aliis in terris, sicut in Afgania, Libano, Iraquia, propagare studebat. Quae autem adhuc cognovimus regimina Islamistica, non seditione, sed bello (Algeria, Afgania, Somalia) vel transformatione pacifica (Arabia Saudiana, Cuvaitum) orta sunt.

Notae[recensere | fontem recensere]

  1. Marvin Zonis laudatus a Wright, Sacred Rage 1996, p.61


stipula Haec stipula ad politiam spectat. Amplifica, si potes!

Roman numeral 10000 CC DD.svg