Sacra cohors (Thebana)

E Vicipaedia
Salire ad: navigationem, quaerere

Sacra cohors (Graece ἱερὸς λόχος[1]) fuit delecta exercitus Boeotici manus, quae ab imperatore Gorgidate condita ex 150 paribus virilibus amantium constabat. Robur phalangis Thebanae habebatur. Pelopida duce, primas partes in pugna Leuctrica (371 a.C.n.) egit, quae principatum totius Graeciae Thebis et Foederi Boeotico dedit. Quod velut praenuntiatum erat pugna apud Tegyras (prope Orchomenum) anno 375 a.C.n., cum primam cladem hoplitis Lacedaemoniis adhuc acie invictis intulit, dum paene sola, paucis equitibus tantum auxiliantibus, duas moras[2] profligat : tunc tota Graecia mirata erat Spartanos non iam optimos bellatores esse.

Illa cohors castra in Cadmea habebat, unde etiam ὁ ἐκ πόλεως λόχος|"cohors urbana" appellabatur. Gorgidas hoplitas eius in proeliis per universam primam aciem disseminabat, Pelopidas contra tamquam solido corpore ea utebatur nec cum cetero exercitu eam miscebat.

Fontes[recensere | fontem recensere]

Notae[recensere | fontem recensere]

  1. Diod. Sic. XV,81,2. Plut. Pelopidas XV,5.
  2. Mora apud Lacedaemonios divisio exercitus erat, instar cohortis.


stipula Haec pagina est stipula. Amplifica, si potes!