Quadrigatus

E Vicipaedia
Salire ad: navigationem, quaerere
Didrachmum vel quadrigatus: caput dei Iani / Iuppiter in quadrigis, fulmen vibrans.

Quadrigatus (nummus)[1] est nummus Romanus argenteus inter annos 235 a.C.n./230 a.C.n. et circiter 211 a.C.n. factus et imagine quadrigarum signatus, cuius pondus erat sex scrupulorum (circiter 6 grana 77). Revera didrachma erat et binae drachmae Neapolitana pendebat: tunc temporis Romani Graecam monetam adhuc imitabantur. Nam in commercio cum civitatibus Graecis moneta praecipue utebantur.

Historia[recensere | fontem recensere]

Quadrigati facti desierunt cum Romani circa annum 212/211 a.C.n. denarium creaverunt, id est novum argenteum nummum proprie Romanum cuius valor non in drachmis Graecis sed in assibus numerabatur. Tertio saeculo exeunte, quadrigati conflati sunt ut ex eis denarii fierent. Titus Livius libro vicensimo secundo[2] Historiae suae pecuniam in quadrigatis numerat, id est anno 216 a.C.n. post cladem Cannensem. Fortasse, per veteres scriptores annalium quibus in scribenda historia usi sunt, has numerationes e scriptis coaevis cum Secundo Bello Punico duxit. Ita Hannibal exempli gratia pretium captivorum Romanorum redimendorum statuit: 500 quadrigatos nummos equiti, 300 pediti, 100 servo. Postea, Titus Livius de quadrigatis non iam mentionem facit.

Plinius autem videtur credidisse et quadrigatos et bigatos similiter denarios fuisse: re vera etenim plures denarii quadrigis signati sunt, sed hodierni appellationem quadrigatorum didrachmis tertii saeculi a.C.n. servant.

Vide etiam[recensere | fontem recensere]

Notae[recensere | fontem recensere]

  1. Primo forma adiectiva erat, mox ex usu frequenti nomen factum est.
  2. Capitulis 52, 54 et 58.

Fontes[recensere | fontem recensere]

Antiqui[recensere | fontem recensere]

Hodierni[recensere | fontem recensere]

  • Crawford, Michael H. (1985). Coinage and Money under the Roman Republic, Methuen & Co. ISBN 0-416-12300-7 (Textus apud Google Books)
  • Rainer Albert, Die Münzen der römischen Republik, 2003.
  • Rudi Thomsen, Early Roman Coinage (1957, 1961).
  • Zehnacker, Hubert (1973). Moneta : recherches sur l'organisation et l'art des émissions monétaires de la République romaine (289-31 av. J.-C.). - Romae: École française de Rome; Lutetiae: diffusion de Boccard, 1973.

Vide etiam eiusdem auctoris commentarium ad editionem Plinianam libri XXXIII, Parisiis, Les Belles Lettres,1983.

Nexus externus[recensere | fontem recensere]

Commons-logo.svg Vicimedia Communia plura habent quae ad Quadrigatum spectant.


stipula Haec pagina est stipula. Amplifica, si potes!