Quadratus Atheniensis

E Vicipaedia
Salire ad: navigationem, quaerere
Icon Bulgarica Sancti Quadrati

Quadratus (mortuus circa annum 130 Athenis) fuit episcopus Atheniensis et apologeta Christianus. Oriens Christianus eum inter Septuaginta Discipulos numerat.

Quadratus Atheniensis primus apologeta Christianus habetur. Eusebius Caesariensis eum inter discipulos apostolorum, imprimis Pauli et Ioannis numerat, quare ad Patres Apostolicos pertinet. Quadratus quosdam a Christo sanatos novisse dicitur. Episcopus Dionysios Corinthius, qui anno 171 mortuus est, refert Quadratum munus episcopale Athenarum post martyrium decessoris sui, Sancti Publii, suscepisse. Cum imperator Hadrianus Athenas vel Asiam Minorem annis 120 visitaret, Quadratum - ut Eusebius narrat - imperatori apologiam tradidisse, qua religionem Christianam probavisset affirmans se ipsum nonnullos a Iesu sanatos vel a mortuis resuscitatos obviam fuisse. Apologia non iam exstat loco ab Eusebio relato excepto.

Quadratus circa annum 130 mortuus est. Lapidationi superstitem in carcere mortuum esse traditum est. Succesor eius quidam Leonidas factus est. Quadratus sanctus colitur. Festum eius est dies 26 Maii in Ecclesia Catholica et die 22 Septembris in Ecclesiis Orthodoxis.

Nexus externus[recensere | fontem recensere]