Pugna Leuctrica

E Vicipaedia
Salire ad: navigationem, quaerere
Dispositio exercituum ante proelium aciem obliquam Epaminondae exhibens (caeruleo colore).

Pugna Leuctrica[1] inter Lacedaemonios ac Thebanos (necnon utriusque civitatis socios) anno 371 a.C.n. mense Iulio incipiente apud Leuctra in Boeotia commissa est. Epaminondas imperator Thebanus exercitum Lacedaemoniorum devicit, quo facto Thebae hegemoniam in Graecia per aliquot annos obtinuerunt.

De nova dispositione aciei[recensere | fontem recensere]

Ad hoc proelium Epaminondas novam dispositionem tacticam excogitavit, "obliquam aciem" (Graece λοξὴ Φάλαγξ) dictam : nam et optimos (inter quos "sacrum agmen" trecentis delectis constans a Pelopida ductis) et plurimos (quinquaginta ordines in latitudinem ibi stipabantur) milites in sinistro cornu adversus regem Cleombrotum collocavit. Quo cornu ducente in hostes ingressus est. Contra dextrum cornu multo infirmius paulum retro egerat, ne statim cum hostibus validioribus confligeret. Putabat enim si qui circum regem stabant vicisset ceterum quoque Lacedaemoniorum exercitum cessurum esse. Ac res ut speraverat evenit, eo facilius quod equites Thebani prius equitatum hostium fuderant.

Fontes[recensere | fontem recensere]

Notae[recensere | fontem recensere]

  1. Cornelius Nepos, Pelopidas 2,4

Nexus externi[recensere | fontem recensere]

Commons-logo.svg Vicimedia Communia plura habent quae ad Pugnam Leuctricam spectant.


stipula Haec pagina est stipula. Amplifica, si potes!