Publius Rutilius Rufus

E Vicipaedia
Salire ad: navigationem, quaerere

Publius Rutilius Rufus (natus circa annum 158 a.C.n., mortuus 78 a.C.n. Smyrnae) vir publicus Romanus fuit.

Cursus honorum[recensere | fontem recensere]

Rutilius annis 134 - 132 a.C.n. tribunus militum apud Scipionem Aemilianum fuit. Circa annum 118 praeturam adeptus est atque 115 primo - tum frustra consulatum petebat. Tum Marcus Aemilius Scaurus electus est[1]. Anno 113 a.C.n. legatus in Cretam insulam missus est. Annis 109 - 107 legatus Quinti Caecilii Metelli Numidici inter Bellum Iugurthinum fuit[2]. Anno 105 a.C.n. una cum Gnaeo Mallio Maximo consul electus est et post cladem die 6 Octobris apud Arausionnem a Cimbris et Teutonibus acceptam milites Romanos arte gladiatorum instruebat[3]. Anno 94 legatus proconsulis Asiae Quinti Mucii Scaevolae fuit. Anno 92 a.C.n. a publicanis provinciae accusatus est et a iudicio equitum iniquo urgente Mario[4] criminis repetundarum ad exilium damnatus est[5]. Primo Mytilenem, deinde Smyrnam in exilium iit, quo in urbe Cicero eum anno 78 convenit[6]. Tum Romam reverti negavit[7].


Philosophus et iuris peritus[recensere | fontem recensere]

Discipulus Panaetii fuit[8] atque doctrinam Stoicismi tenebat ac inter personas "De re publica" Ciceronis stat. Res gestas Romanas composuit, quibus multa de vita sua rettulit. Praeterea iuris peritus saepe responsa dedit[9].

Bibliographia[recensere | fontem recensere]

Notae[recensere | fontem recensere]

  1. Marcus Tullius Cicero, de oratore II 280
  2. Gaius Sallustius Crispus, Bellum Iugurthinum 50,1; 52-53
  3. Valerius Maximus II 3,2
  4. Cassius Dio, fragmenta XCIII
  5. Titus Livius, periochae LXX; Velleius Paterculus, Historia Romana II 13,2
  6. Marcus Tullius Cicero, Brutus 85
  7. Lucius Annaeus Seneca, Epistulae morales XXIV 4
  8. Marcus Tullius Cicero, Brutus 114; de officiis III 10
  9. Marcus Tullius Cicero, Brutus 114


Antecessores:
Quintus Servilius Caepio et Gaius Atilius Serranus
Consul
105 a.C.n.
cum
Gnaeo Mallio Maximo
Successores:
Gaius Flavius Fimbria et Gaius Marius II