Latinitas bona

Prometheus

E Vicipaedia
Salire ad: navigationem, quaerere
Prometheus. Statua a Reinhold Begas circa 1900 facta (Berolini).

Prometheus in mythologia Graeca fuit unus ex Titanis, natus ab Iapeto et matre utrum Theme (sorore Iapeti) an Clymene ex Asia (quae ambo erant Oceanidae). Prometheus (vel Vulcanus) caput Iovis praecidisse dicitur ut Athena ex eo gigneretur. Prometheus notissimus est adiutor hominum, quos ex argilla vel luto candido formasse et igne divino animasse dicitur. Non solum vitam hominibus dedit, sed etiam bene vivendi instrumenta. Homines enim docuit quomodo igni uti possent, quem Prometheus ipse ex caelo subduxerat. Propter ignis furtum Iuppiter furens fulmine Prometheum adflixit et vinculis adamantis in monte Caucaso vincit, ubi vultur esuriens eius iecur semper recrescens cotidie edebat. Tandem Hercules iussu Iovis eum catenis ac vulture liberavit, equa fabula Aeschylus argumentum tragoediae duxit, cui titulus Prometheus vinctus est.

Fontes[recensere | fontem recensere]