Porlock

E Vicipaedia
Salire ad: navigationem, quaerere
Porlock (Somersetensis comitatus)
Porlock
Porlock
Oppidi collocatio in comitatu Somersetensi

Porlock est oppidum Somersetensis comitatus in Anglia occidentali situm. Ibi nundinae et mercatus tenebantur ab anno 1366;[1] in mercatibus medio saeculo XIX celebratis (ter annuatim, diebus Iovis ante 13 Septembris, 11 Octobris et 12 Novembris) venditabantur boves et oves, hae praesertim varietatis parvioris Porlocks nuncupatae.[2]

Oppidum bis in Chronicis Anglosaxonum refertur. Anno fere 917 "piratae" Vicingi, ducibus Ohtor et Hroald, e Britannia Minore manicam Bristoliensem invaserunt; ab Herefordiensibus et Glocestriensibus repulsi ad Porlock et iuxta Watchet noctu furtim descenderunt, unde ab incolis debellati in insula vel Flat Holm vel Steep Holm refugium reppererunt: ibi alimentis carentibus multi mortui sunt.[3] Haroldus Godwini filius, rex futurus, anno 1052 cum septem navibus ex Hibernia portum Porlock aggreditur et vastavit.[4]

Dovery Manor, domus saeculi XV in oppido Porlock visus
Piscariorum casae iuxta portum in vico West Porlock sitae

Notae[recensere | fontem recensere]

  1. Samantha Letters, "Gazetteer of Markets and Fairs in England and Wales to 1516"
  2. Lewis s.v. "Porlock"
  3. Chronica Anglosaxonum Ā anno 918 (insula Bradan Relice), D anno 915 (insula Steapan Reolice) et similiter B et C
  4. æt Port locan: Chronica Anglosaxonum E anno 1052 (in recensionibus aliis nomen Porlock non reperitur)

Nexus externi[recensere | fontem recensere]

Commons-logo.svg Vicimedia Communia plura habent quae ad Porlock spectant.

Bibliographia[recensere | fontem recensere]


Terra Haec stipula ad urbem spectat. Amplifica, si potes!