Philippus Melanchthon

E Vicipaedia
Salire ad: navigationem, quaerere
Philippus Melanchthon
Natus Philipp Schwarzerd
Philippus Melanchthon
Natus 16 Februarii 1497
Bretten
Obiit 19 Aprilis 1560
Wittenbergae

Philippus Melanchthon (natus Philippus Schwarzerd), qui nomine honorifico "Praeceptor Germaniae" appellatur, fuit theologus, vir doctus, et Martini Lutheri socius, qui magnam partem in reformatione ecclesiae habuit. Philipp Schwartzerdt in Bretten die 16 Februarii natus est. Anno 1493, pater, faber Georgius Schwartserdt, in matrimonium Barbaram Reuter duxit. Anno 1508, pater et avus Philippi mortui sunt. Philippus ad cognatos Phorcam missus est, ut in schola Latina disceret.

Humanista[recensere | fontem recensere]

Philippus linguam Latinam didicit per exercitationem studiosam sub Ioanne Unger. Sententiam Latinam explicabat et, si erravit, virgarum poenam accepit. Anno 1508 Phorcae incepit discere in schola Latina, ubi Philippus a Georgio Simler et Ioanne Hildebrando docebatur, qui ambo grammatici illustres erant, quod inusitatum erat saeculo 16. Simler eruditionem privatam in Graecis litteris discipulis potissimis dabat, et per eum Philippus linguam et culturam Graecam cognoverat. Tum Philippus solum duodecim annos natus erat. Ioannes Reuchlin, humanista famosus, progressionem ingenii cognati sui mirabatur, et de Philippo tamquam de filio suo loqui incepit. Ei grammaticam Graecam et lexica sua Graecum et Latinum dedit. Reuchlin etiam putabat adolescentem nomen solitum non habere posse. Ideo Philippum nomine Graecissanti Melanchthon vocabat.

Anno 1509 Philipp incepit studere in Universitate Heidelbergensi, et ibi gradum academicum baccalaureum accepit. Ab anno 1512 apud Universitatem Tubigensem studuit. Anno 1514 magister factus licentiam docendi accepit. Anno 1518 grammaticam Graecam suam divulgavit. Opere suo hominum animos in se intendit, et a viribus doctis laudabatur, exempli gratia a Desiderio Erasmo Roterodamo. Tubingae Melanchthon nonnullis hominibus tanto odio erat, ut sentiret se urbem relinquere oportere.

Nomen Melantchtonis in tota Europa septentrionali notum est. Erasmus vaticinatus est, Melanchthonem humanistam tantae eminentiae fore, ut expectare vocationem professoris ad universitatem possit. Princeps elector Fridericus III dux Saxoniae professores duos ad Universitatem Wittenbergensem quaerebat, ergo unum professorem linguae Hebraicae et unum professorem linguae Graecae. Reuchlin Melanchthonem professorem linguae Graecae commendavit. Mense Septembri anno 1518 Melanchthon professor factus est apud Universitatem Wittenbergensem. Cum ad urbem pervenit, unum et viginti annos natus erat, sed iam cognitione linguarum antiquarum notus.

Theologus[recensere | fontem recensere]

In libro Loci communes inscripto Melanchthon publice confessus est, se theologiam Martini Lutheri sequi. Loci communes summa de locis doctrinae Christianae erat, ergo lex et evangelium et tamen peccatum et gratia. Melanchthon Locos communes suos pluries rescripsit. Tres editiones diversae sunt. Melanchthon anno 1521 primam editionem divulgavit. Anno 1535 secunda editio prolata est, et anno 1543 tertia. Magnitudo operis duplicata est. Controversiae theologicae effecerant, ut Melanchthon rationes suas acriter in locibus diversis praescriberet. Anno 1530 Melanchthon Augustae Vindelicorum parlamentum participavit. Melanchthon Confessionem Augustanam scripsit, quam die 25 Iunii imperatori Carolo V obtulit. Condicio non attacta est, et Melanchthon scribere Apologiam incepit, quae anno 1531 edita est, quod opus anno 1580 in Librum Concordiae receptum est.

Pinacotheca[recensere | fontem recensere]

Opera[recensere | fontem recensere]

Frons libri Loci communes rerum theologicarum

Lege etiam[recensere | fontem recensere]

Nexus externi[recensere | fontem recensere]

Commons-logo.svg Vicimedia Communia plura habent quae ad Philippum Melanchthonem spectant.


David's face Haec stipula ad biographiam spectat. Amplifica, si potes!

Roman numeral 10000 CC DD.svg