Pharus Alexandrinus

Vide etiam paginam discretivam: Pharus (discretiva)

Pharus Alexandrinus^[1]^[2] (Graece Φάρος) fuit turris ad regendos navium cursus illuminata, iuxta Alexandriam urbem Aegyptiam sita in insula Pharo (e qua appellata est). Saeculo III a.C.n. constructa, Ptolemaeo I et II regibus, Sostratoque Cnidio architecto, et temporibus recentioribus inter septem mundi miracula ordinata est.

Fabulosam originis phari historiam Ammianus Marcellinus praebet:

Hoc litus cum fallacibus et insidiosis accessibus adfligeret antehac navigantes discriminibus plurimis, excogitavit in portu Cleopatra turrim excelsam, quae Pharos a loco ipso cognominatur, praelucendi navibus nocturna suggerens ministeria, cum quondam ex Parthenio pelago venientes vel Libyco, per pandas oras et patulas, montium nullas speculas vel collium signa cernentes, harenarum inlisae glutinosae mollitiae frangerentur.
– Ammianus Marcellinus, Res gestae 22.16.9.

Notae[recensere | fontem recensere]

↑ "Pharus est in insula turris": Caesar, Bellum civile 3.112; "in exemplum Alexandrini Phari": Suetonius, De vita Caesarum "Claudius" 20.
↑ "Pharos": Ammianus Marcellinus, Res gestae 22.16.9

Nexus interni

Alexandria antiqua

Septem miracula mundi antiqui

Pyramides Aegyptiae • Horti Pensiles Babylonis • Simulacrum Iovis Olympii • Templum Dianae • Mausoleum • Colossus Rhodi • Pharus Alexandrinus

[1] "Pharus est in insula turris": Caesar, Bellum civile 3.112; "in exemplum Alexandrini Phari": Suetonius, De vita Caesarum "Claudius" 20.

[2] "Pharos": Ammianus Marcellinus, Res gestae 22.16.9

[1]

[2]