Pessinus
E Vicipaedia
Pessinus (gen. Pessinuntis) erat antiquum oppidum Phrygiae, vetustis Matris Magnae delubris insigne.[1] Hinc bello Punico secundo Scipio Nasica monitus carmine Cumano Romam transtulit simulacrum quod figura humana praeditum non erat, sed in saxo nigro consistebat.[2] Anno 362 Iulianus imperator cultum Cybeles restituere conatus est sed frustra. Saeculo sexto urbs iactat ecclesiam Myriangelis et cathedram episcopalem Sanctae Sophiae dicatam.[3] Est nunc miser Turcorum vicus (Turcice: Ballıhisar).
Pessinus est sedes archiepiscopalis titularis Ecclesiae Catholicae Romanae.
