Taxinomia cladistica

Arbor vitae

Taxinomia cladistica sive simpliciter cladistica (a Graeco κλάδος 'ramus') est methodus ab Aemilio Iohanne Gulielmo Henning excogitata, quam ipse systematicam phylogeneticam nuncupavit. Secundum hanc methodum animantia ponuntur in cladis, qui sunt greges monophyletici antecedens commune et omnia descendentia continentes. Qui cladisticae student cladistae appellantur.

Cladogramma

Cladogramma est propinquitatum inter animantia delinatio, quae in arboris sive dendrogrammatis formam redigi solet.

Termini technici

Grex flavus (id est Sauropsida) monophyleticum est, grex caeruleus (Reptilia sensu tralaticio) paraphyleticum, grex ruber (Animalia homoeotherma) polyphyleticum.

Monophyleticum

Monophyleticus est cladus omnia descendentia antecedentis communis continens. In imagine Sauropsida monophyletica sunt.

Paraphyleticum

Paraphyleticus est cladus qui monophyleticus esset nisi aliqua membra expelleret. Hoc genus cladi multi cladistae molestum habent et dissuadent.

Polyphyleticum

Polyphyleticus est cladus continens duo clados monophyleticos inter se non propinquos (exempli gratia in imagine Aves et mammalia). Multis cladistis maxime vitandum esse videtur.

Grex socius

Grex socius est grex propinquus alio gregi et cum eo in eodem clado.

Extra gregem

Cladus vel species extra gregem est animans quod pars non est illius gregis, sed ei propinquum.

Basale

Basalis est cladus vel species si multo plus plesiomorphicum est quam alter cladus.

Nexus externi

• Vitae arbor (Anglice)