Otto Schmidt
E Vicipaedia
| Otto Schmidt | |
|---|---|
| Отто Шмидт | |
 |
|
| Natus | 30 Septembris 1891 Mohiloviae |
| Obiit | 7 Septembris 1956 Moscuae |
Otto Iulii filius Schmidt (Russice Отто Юльевич Шмидт, Otto Jul’evič Šmidt; natus 30 Septembris 1891, mortuus 7 Septembris 1956) fuit mathematicus, astronomus, geophysicus, explorator Arcticae et vir publicus Sovieticus.
[recensere] Biographia
Otto Schmidt natus est Mohiloviae (quae tunc in Imperio Russico iacebat, nunc in Ruthenia Alba), die 18 Septembris (30 Septembris secundum Calendarium Gregorianum) anni 1891.
Anno 1913 Schmidt complevit studium suum in Universitate Kioviensi, ubi ab anno 1916 docebat. Post Revolutionem Octobris in certis administeriis publicis Russicae SFSR laborabat. Anno 1918 factus est membrum Factionis Communisticae. Ab anno 1923 ad annum 1956 erat professor Universitatis Moscuensis. Annis 1924 - 1941 erat redactor principalis Encyclopaediae Sovieticae Magnae. Annis 1930 - 1932 erat director Instituti Arctici. Anno 1933 membrum correspondens et anno 1935 academicus Academiae Scientiarum URSS electus est. Ab anno 1934 etiam erat membrum Academiae Scientiarum Ucrainicae SSR. Annis 1939 - 1942 erat propraeses Academiae Scientiarum URSS.
Schmidt fuit initiator fundationis et ad annum 1949 director Instituti Geophysicae Theoreticae Academiae Scientiarum URSS, anno 1937 conditi. Fundavit scholam algebraicam Moscuensem, cuius praefectus multos annos erat.
Anno 1943 Otto Schmidt proposuit hypothesem cosmogonicam formationis Telli et planetarum systematis solaris. Secundum hypothesem illam planetae formatae sunt via coniunctionis corporum solidorum frigidorumque circa Solem versatilium.
Schmidt etiam fuit explorator Arcticae. Decennio 194 nonnullas expeditiones in oceano Glaciali Septentrionali praefuit.
Die 27 Iunii 1937 titulum Herois Unionis Sovieticae meruit. Praeterea nonnullis aliis praemiis Sovieticis affectus est.
Otto Schmidt obiit Moscuae die 7 Septembris anni 1956.
