Oliverus Sacks

Oliverus Sacks

Res apud Vicidata repertae:

Oliverus Sacks: imago

Oliverus Sacks: subscriptio

Nativitas: 9 Iulii 1933; Willesden
Obitus: 30 Augusti 2015; Greenwich Village
Patria: Britanniarum Regnum

Familia

Coniunx: no value

Oliverius Sacks (anno 2009).

Oliverus Sacks (natus Londinii die 9 Iulii 1933; mortuus Novi Eboraci in urbe die 30 Augusti 2015) fuit neurologus, scriptor, et chemicus Americano-Britannicus suis studiis eruditus, qui munere neurologiae professoris in Schola Medica Universitatis Novi Eboraci functus est.

Alumnus scholae Coletinae Londiniensis et Collegii Reginae apud Oxonienses, Civitates Foederatas petivit ubi docens internus iuxta Nosocomium Montis Zionis^(en) Franciscopoli meruit. Multos annos in parte clinica Collegii Medici Alberti Einstein Universitatis Yeshivae degit. Ab anno 2007 ad annum 2012, professor neurologiae, neuropsychologiae et psychiatriae in Universitate Columbiae versatus est, ubi munus "Artificis Columbiani" sustinuit. Locum professoris visitantis in Universitate Warwicensi tenuit.

Sacks fuit auctor permultorum librorum prosperrimorum, inter quos sunt congeries studiorum casus hominum turbatione neurologica affectorum. Liber eius Awakenings (1973), narratio autobiographica suorum conatuum ad aegros encephalitem lethargicam patientes adiuvandos ut proprium munus neurologicum recuperarent, ad pelliculam eiusdem nominis anno 1990 accommodata est, Robino Williams et Roberto De Niro primas partes agentibus, quae nominationem Praemii Academiae accepit. Ipse et liber Musicophilia: Tales of Music and the Brain ('Musicophilia: fabulae musicae et cerebri') fuerunt res "Musical Minds" ('Mentes musici'), eventus seriei Novae, abs canali PBS emissae.

Opera maiora

• Migraine (1970)
• Awakenings (1973)
• A Leg to Stand On (1984)
• The Man Who Mistook His Wife for a Hat (1985)
• Seeing Voices: A Journey Into the World of the Deaf (1989) (Paginae selectae apud Google Books)
• An Anthropologist on Mars (1995)
• The Island of the Colorblind (1997)
• Uncle Tungsten: Memories of a Chemical Boyhood (2001)
• Oaxaca Journal (2002)
• Musicophilia: Tales of Music and the Brain (2007)
• The Mind's Eye (2010)
• Hallucinations (2012)
• On the Move (2015) (autobiographia)

Bibliographia

• Will Self, Andrew Solomon, Sue Halpern, "Tea with Oliver Sacks" in The Guardian (4 Septembris 2015)
• Adam Zeman, "Oliver Sacks obituary" in The Guardian (30 Augusti 2015)

Nexus externi

Vicimedia Communia plura habent quae ad Oliverum Sacks spectant.

• De hoc homine in Indice Interretiali Pellicularum (Anglice)
• Situs proprius