Latinitas bona

O fons Bandusiae, splendidior vitro

E Vicipaedia
Salire ad: navigationem, quaerere
Fons Bandusiae.

"O fons Bandusiae, splendidior vitro" incipit carmen tertium decimum libri tertii carminum ab Horatio anno circiter 23 a.C.n. editorum:

O fons Bandusiae, splendidior vitro,
dulci digne mero non sine floribus,
cras donaberis haedo,
cui frons turgida cornibus...

De carmine[recensere | fontem recensere]

Hoc carmen est Horatii carminum notissimorum et amatissimorum. In eo carmine Horatius fonti Bandusiae dicit se ei haedum donaturum esse. Fontem aquis frigidissimis, quae aestu quoque tempore Caniculae orientis numquam affectae sunt, laudat. Hoc carmine, secundum poetam ipsum, fons nobilium fontium fiet. Fons et carmen erunt partes monumenti perennis.

Versus[recensere | fontem recensere]

Hoc carmen in quarto versuum Asclepiadeorum scriptum est. Primus et alter strophae versus sunt glyconei cum duplice nucleo, tertius glyconeus catalecticus vel pherecrateus, quartus glyconeus:

— — — ∪ ∪ — | — ∪ ∪ — ∪ —
O fons Bandusiae, splendidior vitro,
— — — ∪ ∪ — | — ∪ ∪ — ∪ —
dulci digne mero non sine floribus,
— — — ∪ ∪ — —
cras donaberis haedo,
— — — ∪ ∪ — ∪ —
cui frons turgida cornibus ...

Ex relatione[recensere | fontem recensere]

Horatius nomen fontis a Fonte Bandusino, qui est prope Venusiam, in quo loco annis puerilibus habitaverat, transferat. Erat fons in Sabino quod a Maecenate datum erat. Plura de fonte in Satiris: Sat 2.6.2, "tecto vicinus iugis aquae fons", et in Epistulis: Epist 1.16, "fons rivo dare nomen idoneus," Horatius cantat.

Haedi sacrificium alludat diei festo Romanorum, Fontinalibus, qui a.d. III Id. Oct. celebrabatur. Eo die agricolae coronas in fontes iaciebant.

Citationes[recensere | fontem recensere]

Versus primus ab Ovidio citatus est. In libro tertio decimo in versu 791 Metamorphosium Polyphemus nympham Galateam laudat: “splendidior vitro, lascivior haedo”.

Bibliographia[recensere | fontem recensere]

  • Daniel H. Garrison. 1991. Horace: Epodes and Odes: A New Annotated Latin Edition. Oklahoma: Oklahoma University Press. ISBN 0-8061-2374-5

Nexus externus[recensere | fontem recensere]