Nova Zembla
Vide etiam paginam discretivam: Terra Nova (discretiva)
Nova Zembla[1] vel Nova Zemla[2] (Russice Новая Земля, tr. Novaja Zemlja, Latine Terra Nova[3]) est archipelagus in Oceano Glaciali Septentrionali (Arctico), pars Russicae regionis Archangelopolitanae.
Descriptio[recensere | fontem recensere]
.jpg)
Inter mare Barentsianum et mare Karense sita est; Pylae Karicae fretum Novam Zemblam a Vaigatia insula separat.
Duae sunt insulae Novae Zemblae principales, insula Borealis[4] et insula Australis. Freto tenuissimo, fiordo simili, nomine Matoczkin Shar[5], insulae divisae sunt. Insula Australis paeninsulam magnam Terram Anserinam[6], ad occidentem spectantem, habet. Extremitas insulae Borealis et archipelagi totius borealis caput Mauritii[7] est, ubi statio polaris sita est; quo capite mare Barentsianum et mare Karense dividuntur.
Clima est arcticum, ubi hiemes longae frigidaeque sunt. Tundra insulas operit; insulae Borealis magna pars glaciario perpetuo celata est.
Historia[recensere | fontem recensere]
Nova Zembla imprimis innotuit Gulielmi Barentsii et Iacobi van Heemskerk hibernatione necessitate annis ab 1596 ad 1597 ibi coacta. Hoc nomen Latinum, Nova Zembla, titulus pelliculae cinematographicae Nederlandicae anni 2011 de expeditione Gulielmi Barentsii est.
Annis ab 1955 ad 1990 probae armorum nuclearium in Nova Zembla perficiebantur.
Notae[recensere | fontem recensere]
- ↑ Gerhardus de Veer, Diarium nauticum seu vera descriptio trium navigationum, Latine conversum a Carolo Clusio anno 1598 (Titulum completum apud sciper.org invenias).
- ↑ Iohannes Iacobus Hofmannus, Lexicon Universale (1698) lemma 'Nova Zemla'; Georgii Crisanii Historia de Siberia, Moscuae 1890, p. 124.
- ↑ Norae Zabinkovae et Moysis Kirpicznikov Nomina physico-geographica principalia URSS s.v. Новая Земля, о-ва.
- ↑ Norae Zabinkovae et Moysis Kirpicznikov Nomina physico-geographica principalia URSS s.v. Северный о-в.
- ↑ Norae Zabinkovae et Moysis Kirpicznikov Nomina physico-geographica principalia URSS s.v. Маточкин Шар.
- ↑ Norae Zabinkovae et Moysis Kirpicznikov Nomina physico-geographica principalia URSS s.v. Гусиная земля.
- ↑ J. G. Th. Graesse, Orbis Latinus, Brunopoli 1972, vol. II, p. 526. Vulgo caput Desiderii (Russice mys Želanija)
Nexus interni[recensere | fontem recensere]
Nexus externi[recensere | fontem recensere]
|
Vicimedia Communia plura habent quae ad Novam Zemblam spectant. |
|
Situs geographici et historici: Locus: 73°57′9″N 56°20′55″E • OpenStreetMap • GeoNames • Thesaurus Getty • Store norske Lexikon • Большая российская энциклопедия |
 |
Haec stipula ad geographiam spectat. Amplifica, si potes! |