Miserere
E Vicipaedia
Miserere est incipit et ergo titulus noti Psalmi 51 (Vulgata: 50). Hic psalmus, qui saepe ut precem paenitentialem et Die Passsionis Domini canitur a multis compositoribus in musica ornatus est, exempli gratia: Rolandus Lassus, Ioannes Petriloysius Praenestinus, Gregorius Allegri
[recensere] Textus (Vulgata)
- Miserere mei, Deus: secundum magnam misericordiam tuam.
- Et secundum multitudinem miserationum tuarum: dele iniquitatem meam.
- Amplius lava me ab iniquitate mea: et a peccato meo munda me.
- Quoniam iniquitatem meam ego cognosco: et peccatum meum contra me est semper.
- Tibi soli peccavi, et malum coram te feci: ut justificeris in sermonibus tuis, et vincas cum judicaris.
- Ecce enim in iniquitatibus conceptus sum: et in peccatis concepit me mater mea.
- Ecce enim veritatem dilexisti: incerta et occulta sapientiæ tuæ manifestasti mihi.
- Asperges me hyssopo, et mundabor: lavabis me, et super nivem dealbabor.
- Auditui meo dabis gaudium et lætitiam: et exsultābunt ossa humiliata.
- Averte faciem tuam a peccatis meis: et omnes iniquitates meas dēlē.
- Cor mundum crea in me, Deus: et spiritum rectum innova in visceribus meis.
- Ne projicias me a facie tua: et spiritum sanctum tuum ne auferās a me.
- Redde mihi lætitiam salutaris tui: et spiritu principali cōnfirmā me.
- Docebo iníquos vias tuas: et impii ad te convertentur.
- Līberā me de sanguinibus, Deus, Deus salutis meæ: et exsultābit lingua mea justítiam tuam.
- Domine, labia mea aperiēs: et os meum annuntiabit laudem tuam.
- Quoniam si voluisses sacrificium, dedissem utique: holocaustis non delectaberis.
- Sacrifícium Deo spiritus contribulatus: cor contritum et humiliatum, Deus, non despicies.
- Benigne fac, Domine, in bona voluntate tua Sion: ut ædificentur muri Jerusalem.
- Tunc acceptabis sacrifícium justitiæ, oblationes et holocausta: tunc imponent super altare tuum vitulos.
- Gloria Patri, et Filio: et Spiritui Sancto.
- Sicut erat in principio, et nunc, et semper: et in sæcula sæculorum. Amen.
