Michael Tarchaniota Marullus

E Vicipaedia
Salire ad: navigationem, quaerere
Michael Marullus, poeta Latinus, ab Alexandro Botticelli depictus.

Michael Tarchaniota Marullus (natus fortasse anno 1453; mortuus 1500) fuit poeta linguae Latinae, sed ex Graecia ortus. Filius nobilium Constantinopolitanorum, Manilii Marulli Euphrosynaeque Tarchaniotae, qui Constantinopole a Turcis capta se refugiam Ragusae petere praeparabant, qua in urbe puer Marullus decem annos habitabat, sed anno 1463, cum Ragusa a Turcis pressa esset, cum matre ad Leucadiam et inde in Italiam transivit. Carol Kidwell, mulier erudita, credit fide carminum ipsius documentorumque variorum, Marullum eo tempore Neapole habitavisse; anno autem 1471, necessitate pulsum, ut militem mercenarium in exercitu Vladislai Draculae, principis Valachiae, inscriptum esse, et postea sub Principis Stephani Magni stipendia meruisse et usque ad paeninsulam Crimeam penetravisse.

Marullus anno 1476, Neapolim reversus, Ioviani Pontani discipulus factus est,[1] et de amasia quadam "Neaera" cantavit; haec carmina a poeta Francogallico Petro de Ronsard imitata sunt. Marullus Romae habitabat anno 1485, Florentiae anno 1490; ibi formosam Alexandram Scalam cantavit, quam anno 1497 uxorem duxit. Amicus fuit Ioannis Pici Mirandulae, sed inimicus poetae Angeli Politiani, quippe qui olim cum Alexandra Scala ipse commercium epistolare Graecum habuisset. Anno 1500, mortuus est non longe Volaterris in flumine Caecina demersus.

Opera[recensere | fontem recensere]

  • Epigrammata
  • Hymni Naturales
  • Neniae
  • De Principum institutione (fragmentum operis deperditi)

Notae[recensere | fontem recensere]

Bibliographia[recensere | fontem recensere]

  • Croce, Benedictus. 1938. Michele Marullo Tarcaniota: le elegie per la patria perduta ed altri suoi carmi. Bari.
  • Kidwell, Carol. 1989. Marullus: soldier poet of the Renaissance. Londinii. ISBN 0-7156-2510-1.
  • Perosa, Alessandro, ed. 1951. Michaelis Marulli carmina. Zurich.
  • Sathas, C. M. 1888. Documents inédits relatifs a l'histoire de la Gréce au moyen áge. Vol. 7.