Mesoplodon

E Vicipaedia
Salire ad: navigationem, quaerere
Mesoplodon
Mesoplodonta bidentia in nota postalica Insularum Faroensium picta
Taxinomia
Regnum: Animalia
Phylum: Chordata
Classis: Mammalia
Ordo: Cetacea
Subordo: Odontoceti
Familia: Ziphidae
Genus: Mesoplodon
Gervais, 1850
Species

Vide commentarium.

Mesoplodon (ex Graecis meso 'medius' + hopla 'arma' + odon 'dens') est genus quattuordecim specierum cetorum in familia Zilphidarum, frequentissimum genus inter Cetacea. Duae species, M. perrini, et M. peruvianus, descriptae sunt tam nuper quam anno 1991, et biologi marini inventionem plurimarum specierum praedicunt. Mesoplodonta sunt minime notus magnorum mammalium grex.

Species[recensere | fontem recensere]

Aliud animal, Indopacetus pacificus, aliquando inter Mesoplodonta ponitur; omnes autem eruditi recentiores Iosephum Curtis Moore sequuntur, qui id in eius proprio genere circa 1965 posuit.

Descriptio[recensere | fontem recensere]

Mesoplodonta plerumque sunt ceti dentati, 3 ad 6 metra longi, generibus Hyperoodonte Berardioque multo minora. Feminae cuiusque speciei magnitudine sunt eaedem qui mares, sed maribus ferme sunt vividiores colores dentesque singulares. Inferior nonnullarum specierum maxilla immanem componit arcum, qui super rostrum formae litterae S similis aliquando extenditur. Cuique speciei sunt magni dentes (aliquando dentis elephanti similes), magnitudine, forma, et loco varii, cum exceptione Mesoplodontis grayi, cui sunt multi dentes parvi, qui in maxilla inferiori fieri possunt ut mandant. Mares plurimarum specierum cicatrices ferunt a dentibus aliorum marium factas; ambo sexus saepe morsus Isistiorum ferunt. Pinna dorsalis est aliquantum parva. Scientia de vitae summa et lactatione abest, et scientia de gestatione paene abest.

Mores[recensere | fontem recensere]

Plurimae Mesoplodontis species rarissime observantur, et paulum eorum morum scitur. Ut fieri solet, ei in gregibus vivunt, fortasse sexu segregati. Nonnullae species sunt tam rarae quam vivae numquam spectantur. Prope aquae superficiem, tarde movere solent, et aerem non aperte efflant. Pinnas caudales supra superficiem elevare numquam videntur. Omnes in profunda demergunt, et nonnullae omnino habent cephalopoda ordinis Teuthidorum comesta.

Conservatio[recensere | fontem recensere]

Numeri Mesoplodontum sunt prorsus ignoti. Nonnulla per occasionem a piscatoribus Nipponensibus capiuntur, sed numquam consilio. Fortuito in retibus innatantibus (Anglice: drift nets) comprehenduntur. Effectus huius casus non scitur.

Fontes[recensere | fontem recensere]

  • Perrin, William F., Bernd Wursig, et J. G. M Thewissen, eds. 2002. Encyclopedia of Marine Mammals. Academic Press.
  • Reeves, Randall R., Brent S. Steward, Phillip J. Clapham, et James A. Owell. 2002. Sea Mammals of the World. Londinii: A & C Black.