Maximilianus Reimann (KPD)

E Vicipaedia
Salire ad: navigationem, quaerere
Maximilianus Reimann anno 1950

Maximilianus (Theod. Max) Reimann (natus die 31 Octobris 1898 Elbingae, mortuus 18 Ianuarii 1977 Dusseldorpii) vir publicus Theodiscus factionis KPD fuit.

Iuventus et munus[recensere | fontem recensere]

Reimann post scholam finitam Reimann ab anno 1912 Elbingae in navaliis laboravit. Iam hoc tempore collegiis opificiis operam dedit et ad sinsitram extremam nitebatur. Anno 1916 miles conscriptus Bello Orbis Terrarum I interfuit. Anno 1918 ut seditiosus in carcerem missus est. Anno 1920 metallicus in oppidum Ahlen (Westfalia) transiit.

Cursus honorum[recensere | fontem recensere]

Ab anno 1921 secretarius factionis KPD erat. Anno 1923 seditioni communistarum in Regione Rurana interfuit. Saepe propter consilia et facta sua in iudicium vocatus atque damnatus est. Postquam anno 1933 Nazistae rerum Germaniae potiti sunt, Reimann clam laborem pro factione continuabat. Anno 1939 captus et ad tres annos carceris damnatus est. Deinde ab anno 1942 in castra carceralia Buchenwald inclusus est. Bello Orbis Terrarum II finito iterum secretarius KPD erat: Anno 1947/48 praeses Communistarum Rhenaniae Septentrionalis-Vestfaliae, deinde praeses factionis in Zona occupationis Britannica fuit. Anno 1948 legatus ad Consilium Parlamentaricum, quod novam constitutionem Germaniae componeret. Annis 1949 - 1953 legatus ad Dietam Foederalem Germaniae et praeses fractionis KPD erat. Cum KPD pecuniam et iussa e Germania orientali (RDPG) accepisset, Reimann anno 1954 a vigilibus ut petitus est, sed in RDPG fugit. Ex hoc loco factionem suam duxit, quae in Germania occidentali anno 1956 prohibita est. Suo auxilio multi Communistae, qui ducibus RDPG odio erant, in Germaniam orientalem praetextu falso vocati ac ad carcerem aut mortem damnati sunt. Anno 1968 Reimann in Germaniam occidentalem revertebat et inter conditores novae factionis DKP erat, cuius praeses honoris causa anno 1971 factus est.

Nexus externi[recensere | fontem recensere]