Macbeth

E Vicipaedia

Tres maleficae a Daniele Gardner anno 1775 pictae; qua pictura Georgiana Cavendish, Elisabetha Lamb et Anna Seymour Damer describuntur (Pinacotheca Effigierum Nationalis Londinii)

"Domina Macbeth cum Duncan", pictura Georgii Cattermole

Macbeth est tragoedia a Gulielmo Shakesperio composita. Scripta est annis fere 1603-1607, docta (si verba Simonis Forman recte intelleguntur) die 20 Aprilis 1611 et primum in editione in folio (titulo Mr. William Shakespeares Comedies, Histories & Tragedies) anno 1623 edita. Carmina maleficarum duo, a Thoma Middleton composita et in ludo suo The Witch comprehensa, in textu Macbeth inserta sunt, "Come away" et "Black spirits".

Auctor maiorem argumenti partem ex historiis antea scriptis derivavit, quas Anglice perlexit in Raphaëlis Holinshed opere Chronicles of England, Scotland and Ireland.

[recensere] Argumentum

Scotia ab inimicis exercitibus liberata, Macbethus et Bancho duces tres magificis in saltu occurrunt, quae oraculum obscure canunt. Macbetho vaticinantur eum et Thanum Caledoris fore et regem Scotiae, sed Banchonem maiorem sequentium regum nec ipsum tamen coronam laturum fore.

Histrio Thomas Keene anno 1884 personam Macbeth agit

"Macbeth spectrum Banquo videt", pictura e serie a Theodoro Chassériau confectae

Qui profecto, uxoris voto atque voluptate ad regnum incitatus, per insidias Duncano rege necato, ipse regnum accipit. Mox et Banchonem filiumque Fleanchum interficiendos statuit ne regnum arripeant; ad cenam incitatos, ante cenam necari iubet. Banchone autem interfecto Fleanchus effugit. Inimici nonnulli cum exercitu Anglico in regem recentem animadvertunt; qui a maleficis certior fit se regem fore dum silva Birnam non ad arcem accedit, seque tamen ab aliquo e femina non nato interfecturum. Duncani familiares, ramis ex ea silva caesis celati, impetum in arcem faciunt; Macduffus "e matris ventre intempestative ereptus" Macbethum necat. Ita oracula magificarum perfecta sunt.

[recensere] Editiones

1623 : Mr. William Shakespeares Comedies, histories & tragedies, published according to the true originall copies (Londinii) p. 131 ff. Textus apud Universitatem Victoriae

[recensere] Vide etiam

Macbeth, opera Iosephi Verdi

[recensere] Nexus externi

Textus apud gutenberg.org (Anglice)
Textus apud MIT (Anglice)
Textus cum glossis (Anglice)
Versio M. Guizot (Francogallice)
Versio C. M. Wieland apud gutenberg.org (Theodisce)
Macbethi somnium in Historia Georgii Buchanani
Macbeth et Banquo cum magis conventus in Chronicis Holinshed

Macbeth : Index personarum

Duncan, rex Scotiae • Malcolm, filius Duncan • Donalbain, filius Duncan • Macbeth, dux exercitus, deinde rex • Banquo, dux exercitus • Macduff, dominus Fife • Lennox • Ross • Menteith • Angus • Caithness • Fleance, filius Banquo • Siward, comes Northumbriae, exercitus Anglici dux • Filius Siward • Seton, minister Macbeth • Filius Macduff • Medicus Anglicus • Medicus Scoticus • Capitanus • Ianitor • Senex • Tres necatores
Domina Macbeth, uxor • Domina Macduff, uxor • Ministra dominae Macbeth • Tres maleficae • Hecate, dea noctis • Aliae tres maleficae
Domini, ingenui, duces, milites, sicarii, nuntii, ministri
Spectrum Banquo • Apparitiones