Lobelia

E Vicipaedia
Lobelia erinus
Eudicotyledones 
Asteridae 
Ordo : Asterales 
Familia : Campanulaceae 
Subfamilia : Lobelioideae 
Genus : Lobelia 
L.
   
Subdivisiones: Species
Vide commentarium.
Lobeliae ad circa 4000 m in Bale Montibus in Terris Altis Aethiopicis.
Lobelia erinus
Lobeliae immanes in Monte Kenya.

Lobelia[1] est genus plantarum florentium quod circa 360–400 species comprehendit, distributione subcosmopolitana, praecipue in tropicis temperatisque callidioribus orbis terrarum regionibus, paucis speciebus regiones temperatas frigidiores tangentibus.[2] Genus ex Matthia de Lobel (1538–1616) botanista Belgico appellatur.[2]

Nonnulli botanistae genus et eius cognatas in Lobeliaceis, familia separata, disponunt; alii, ut subfamilia Lobelioideae intra Campanulaceas. Angiospermarum Phylogeniae Grex, rem non statuens, genus sub ambabus familiis disposuit.

Speciebus Lobeliae vescuntur larvae nonnullarum Lepidopterorum, Xestia c-nigro inclusa.

Genus Lobelia ad honorem Matthiae de Lobel a Carolo Plumier nominatum est; quod nomen Carolus Linnaeus descriptione confirmavit.[3]

Species delectae[recensere | fontem recensere]

Calceatae Mexici Lobeliae[recensere | fontem recensere]

Circa undecim speciebus in Mexico et Media America sunt carcaria in floribus. Hae Lobeliae ut videntur sunt grex monophyleticus, quarum plurimi in genere Heterotoma (vel aliquando Calcaratolobelia) disponuntur; quod autem earum cognatae proximae, sicut Lobelia anatina, recte sunt in Lobelia, Koopman et Ayers eas in Lobelia disponunt.[4]

Index (partim):

Cultus et usus[recensere | fontem recensere]

Nonnullae excoluntur species ut plantae ornamentales in hortis; quae Lobeliam cardinalem, Lobeliam siphiliticam, Lobeliam fulgentem, Lobeliam erinum, et nonnullas hybridas comprehendunt.

Lobelia erinus est planta annua Africae Australia, multis cultivarietatibus multos colores monstrantibus; colitur in solo nudo, magnis vasis, window boxes?, et corbibus pendentibus (Anglice: hanging baskets).

In lingua florum Aetatis Victorianae, Lobelia malignitatem et malevolentiam exprimit.

Usus in medicina[recensere | fontem recensere]

Indigenae Americarum Lobeliam adhibuerunt ut medicina quae alvum purgat ad curandos morbos respiratorios et musculares. Hodie adhibetur ad curandam asthmam et venenum cibi (Anglice: food poisoning). Species usitate in herbalismo hodierno adhibita est Lobelia inflata.[8]

Duae species, Lobelia siphilitica et Lobelia cardinalis, ad curandam syphilem? olim adhibitae sunt.[9]

Samuel Thompson herbalista medicinalem Lobeliae usum in Civitatibus Foederatis saeculo undevicensimo ineunte populo gratum effecit; etiam Hydrastem canadensem et alias plantas.[8]

Una species, Lobelia chinensis (Mandarinice: bàn bian lián) adhibetur ut una ex quinquaginta herbis nuclearibus in medicina Sinica (traditional Chinese medicine).

Notae[recensere | fontem recensere]

  1. ↑ Sunset Western Garden Book, 1995:606–607.
  2. ↑ 2.0 2.1 A. Huxley, ed., New RHS Dictionary of Gardening (Macmillan, 1992, ISBN 0-333-47494-5).
  3. ↑ Plumier (1703); Carolus Linnaeus, Species plantarum (Holmiae: impensis L. Salvii, 1753) vol. 2 p. 929 (Latine)
  4. ↑ 4.0 4.1 Koopman, M. M.; Ayers, T. J. (2005). "Nectar spur evolution in the Mexican lobelias (Campanulaceae: Lobelioideae)". American Journal of Botany 92: 558 .
  5. ↑ Díaz, Sara C.; Touchan, Ramzi; Swetnam, Thomas W. (2001). "A tree-ring reconstruction of past precipitation for Baja California Sur, Mexico". International Journal of Climatology 21: 1007 
  6. ↑ ipni.org.
  7. ↑ 7.0 7.1 7.2 7.3 World Checklist
  8. ↑ 8.0 8.1 "Lobelia". EBSCO Complementary and Alternative Medicine (CAM) Review Board. January 2006 
  9. ↑ Marie-Françoise Guédon, Sacred Smudging in North America (Walkabout Press, 2000).

Bibliographia[recensere | fontem recensere]

  • Everitt, J. H., R. L. Lonard, et C. R. Little. 2007. Weeds in South Texas and Northern Mexico. Lubbhock Texiae: Texas Tech University Press. ISBN 0-89672-614-2.
  • Plumier, Carolus. 1703. Nova plantarum Americanarum genera p. 21

Nexus externi[recensere | fontem recensere]

Vicimedia Communia plura habent quae ad Lobeliam spectant.
Situs scientifici: Tropicos • Tela Botanica • GRIN • ITIS • NCBI • Biodiversity • Plant Name Index • WoRMS: Marine Species • Plantes d'Afrique • Flora of China • Flora of North America • USDA Plants Database

Haec stipula ad biologiam spectat. Amplifica, si potes!

Receptum de "https://la.wikipedia.org/w/index.php?title=Lobelia&oldid=3750837"