Roman numeral 10000 CC DD.svg
Mille Paginae.png
Latinitas inspicienda

Ioannes Sebastianus Bachius

E Vicipaedia
(Redirectum de Ioannes Sebastianus Bach)
Salire ad: navigationem, quaerere
Iohannes Sebastianus Bach, ab Eliade Gottlob Haussmann anno 1746 pictus.
Subscriptum Iohannis Sebastiani Bach nomen.

Iohannes Sebastianus Bachius, vulgo Johann Sébastian Bach (natus Ysenaci 21 Martii 1685; Lipsiae mortuus die 28 Iulii 1750) fuit compositor, organista, clavicymbalista, violista, violinista Germanicus, cuius diversa opera sacra et saecularia choro, orchestrae, solisque instrumentis composita musicae Barocae traditiones contraxerunt, aevum maturescere adiuvantia.[1] Ipse, quamquam novas non introduxit formas musicas, obtinentem amplificavit modum Germanicum robusta contrapuncti arte technica, eximia temperationis harmonicae motivicaeque potestate, atque accommodatione rhythmorum, formarum, et texturarum ex gentibus externis, praesertim ex Italia et Francia.

Inter opera Bachiana, quae pro altitudine mentis, facilitate laboris, et pulchritudine artis coluntur, sunt Concentus Brandenburgenses, Variationes Goldbergenses, Partitae, Claviatura Bene Temperata, Missa sollemnis toni B mollis, Passio secundum Matthaeum, Passio secundum Ioannem, Magnificat, Donum Musicum, Ars Fugae, series Anglicae et Francicae, Sonatae et Partitae pro violina sola, Series pro Violoncello, plus quam ducentae cantatae exstantes, et fere ducenta opera pro organo, insigniter inter quae Toccata et Fuga in D molle, Passacaglia et Fuga in C molle, Magna Duodevicensima Praeludia Choralia, et Missa pro Organo.

Bachii organistae facultates magni per Europam aestimatae sunt, sed ipse compositor late non agnotus est, donec studium eius musicae dimidio saeculi undevicensimi renatum esset et sua opera aperte audiri coeperentur. Nunc autem latissime habetur unus ex principalium modi Baroci compositorum, atque adeo unus ex maximis omnium temporum compositoribus.[2]

Vita[recensere | fontem recensere]

Neque Italiam visitavit neque Franciam. Civitates principesque quorum musicae fuit director in media Germania tantum inveniuntur. Tamen in operibus suis totius Europae modos musicales sibi assimilavisse et in altum duxisse videtur.

Post nonnullas stationes praevalente Ecclesia Sancti Bonifatii Arnstadio, Ecclesia Sancti Blasii Mulhausae Thuringorum, Castellum Wimarii, Castellum Cothenae sustinuit dignitatem et officium cantoris Ecclesiae Sancti Thomae Lipsiensis usque ad finem vitae suae. Bach enim fuit "Cantor zu St. Thomae et Director Musices Lipsiensis" (id est, director omnis musicae totius urbis). In ecclesia Sancti Thomae Bach linguam latinam docebat.

Bach religione Christiana Lutherana toto corde adhaerebat. Magna operum suorum copia pro cultu divino facta est. In oratoriis et cantatis, tam verba biblica quam cantiones ecclesiae Lutheranae nec non poeses contemplativas ad gustum contemporaneum profunde interpretatus est, quam ob causam saepe praedicatorem esse dicitur musicalem. Eminent Missa, Magnificat, et aliae compositiones in lingua Latina, sed et musicae saecularis genera omnia ei familiaria erant excepta opera quae appellatur. Musicam vero omnem, et sacram et saecularem, Bach insigne Dei donum ac mentis eius in terra imaginem esse credidit, quod opera sua subscribendo "Soli Deo Gloria" vel "S.D.G." expressit.

Familia[recensere | fontem recensere]

Gnome-mime-audio-openclipart.svg


Num difficile audis? Vide adiutatum.

Bach viginti habuit proles, quorum undecim eum praecesserunt. Inter filios fuerunt compositores Gulielmus Fridericus Bach, Carolus Philippus Emanuel Bach, Ioannes Christianus Bach, et Ioannes Christophorus Fridericus Bach.

Vide etiam[recensere | fontem recensere]

Notae[recensere | fontem recensere]

  1. Grout 1980:435.
  2. T. C. W. Blanning, The triumph of music: the rise of composers, musicians and their art, p. 272: "And of course the greatest master of harmony and counterpoint of all time was Johann Sebastian Bach, 'the Homer of music.'"

Bibliographia[recensere | fontem recensere]

Nexus externi[recensere | fontem recensere]

Commons-logo.svg Vicimedia Communia plura habent quae ad Ioannem Sebastianum Bach spectant.
Generalia
Partiturae