Ioannes II (imperator Trapezuntinus)

Nummus imperatoris Ioannis II

Ioannes II e familia Comnenorum (Graece Ἰωάννης Κομνηνός; natus anno circiter 1262; mortuus 1297) fuit imperator Trapezuntinus Fuit filius Manuelis I quam ex Irene Syricaena genuit.

Fratre Georgio Tauridi iussu chani Abaqa incarcerato, Ioannes mense Iunio anni 1280 imperio successit. Anno 1282 Constantinopolin iit ibique in matrimonium duxit Eudociam Palaeologinam, filiam imperatoris Byzantini Michaelis VIII uxorisque suae Theodorae Ducaenae Batatzaenae. Eo tempore rex Georgiae David VI Trapezuntem obsedit, malo successu, et paullo postea (anno 1284) sororem Ioannis Theodoram ad imperium usurpandum incitavit; quae anno 1285 debellata est.

Ioannes ex uxore genuit filios duos, Alexium, patris successorem, et Michaelem, qui annis 1341 et 1344-1349 imperavit. Tempore Ioannis II familia regnatrix imperii Trapezuntini nomen "Magnus Comnenus" (Graece Μέγας Κομνηνός) adoptavit.

Fontes

• Michael Panaretus, De imperatoribus Trapezuntis 5

Nexus externi

• "Trebizond" e Medieval Lands (situs a Carolo Cawley elaboratus apud FMG)

Bibliographia

• K. Varzos, Η γενεαλογία των Κομνηνών (2 voll. Thessalonicae, 1984 1A 1B 2) no. -

Imperatores Trapezuntini

Alexius I 1204 • Andronicus I 1222 • Ioannes I 1235 • Manuel I 1238 • Andronicus II 1263 • Georgius 1267 • Ioannes II 1280 • Alexius II 1297 • Andronicus III 1330 • Manuel II 1332 • Basilius 1332 • Irene 1340 • Anna 1341 • Ioannes III 1342 • Michael 1344 • Alexius III 1349 • Manuel III 1390 • Alexius IV 1412 • Ioannes IV 1429 • David 1458–1461 Index Imperatorum Trapezuntinorum • Imperium Trapezuntinum Capsae cognatae: Imperatores Constantinopolitani • Imperatores Latini