Hymni Homerici

Hymni Homerici sunt collectio 33 carminum Graecorum, quibus dei Graeci antiqui laudantur sive invocantur. Carmen tricesimum quartum "hospitem" adloquitur. Longitudo a paucis versibus (Hymno secundo in Demetram sunt tantum tres) usque ad 580 (Hymnus in Hermam) versus. Metrum est sicut in operibus Homeri hexameter, etiam lingua Homericae similis est.

Origo et traditio

Datatio exacta disputatur; hymni inter septimum et quintum saeculum a.C.n. variis locis facti ad litteras Graecas antiquissimas pertinent. Hymnus VIII in Arem ob expositiones astrologicas ibi contentas antiquitate posteriore (post saeculum quintum) confectus est.

Quidam dii in compluribus hymnis appellantur, inter quos Demeter, Apollo, Aphrodita et Herma, quorum cuique "quattuor hymni magni" dedicati sunt. Manuscripta traditionis byzantinae cum hymno III incipiunt, anno 1777 autem in equorum stabulo Moscoviensi manuscriptum saeculi decimi quinti fragmenta hymnorum I et II continens.

Tituli et magnitudo

I.	In Dionysum	21 versus
II	In Demetram	495 versus
III.	In Apollinem Delicum	546 versus
IV.	In Hermam	582 versus
V.	In Aphroditam	293 versus
VI.	In Aphroditam	21 versus
VII.	In Dionysum	59 versus
VIII.	In Arem	17 versus
IX.	In Artemin	9 versus
X.	In Aphroditam	6 versus
XI.	In Athenam	5 versus
XII.	In Heram	5 versus
XIII.	In Demetram	3 versus
XIV.	In Rheam	6 versus
XV.	In Herculem	9 versus
XVI.	In Aesculapium	5 versus
XVII.	In Dioscuros	5 versus
XVIII.	In Hermam	12 versus
XIX.	In Panem	49 versus
XX.	In Hephaestum	8 versus
XXI.	In Apollinem	5 versus
XXII.	In Posidonem	7 versus
XXIII.	In filium Croni supremum	4 versus
XXIV.	In Hestiam	5 versus
XXV.	In Musas et Apollinem	7 versus
XXVI.	In Dionysum	13 versus
XXVII.	In Artemin	22 versus
XXVIII.	In Athenam	18 versus
XXIX.	In Hestiam	13 versus
XXX.	In Gaeam	19 versus
XXXI.	In Helium	20 versus
XXXII.	In Selenam	20 versus
XXXIII.	In Dioscuros	19 versus

Bibliographia

Editiones

• Thomas William Allen (Ed.): The Homeric Hymns. 2. Ed. Oxford University Press, Londinii 1936. Ed. nova: Hakkert, Amstelodami 1980, ISBN 90-256-0820-5
• Albert Gemoll (Ed.): Die Homerischen Hymnen. Teubner, Lipsiae 1886 (commentario addito)

Litterae de hymnis Homericis

• N. J. Richardson (Ed.): The Homeric Hymn to Demeter. Oxford University Press, Oxoniae 1974.
• Th. W. Allen, E. E. Sikes (Ed.): The Homeric Hymns. Macmillan, Londinii 1904 (solus commentarius scientificus omnes hymnos comprehendens.)

Nexus externi

• Textus hymnorum Homericorum in: Perseus Project (Graece et Anglice)