Claudius Ludovicus Maria Henricus Navier
Claudius Ludovicus Maria Henricus Navier (Divione die 10 Februarii 1785 natus; Lutetiae mortuus die 21 Augusti 1836), avunculi sui machinatoris Aemilini Gauthey discipulus, fuit mathematicus et physicus Francicus. Navier fuit sodalis Academiae Scientiarum Francicae et est unus septaginta duorum hominum quos Turris Eiffeliae effigies commemorat.
Vita[recensere | fontem recensere]
Navier anno 1808 in Associationem structorum pontilium stratariorumque cooptatus est antequam decem annis post professor de mechanica in Schola pontium semitarumque construendorum et anno 1831 in Schola polytechnica Parisiensi fieret.
Fundamento arti structoriae generali fuit eius opus »Résumé des leçons«. Navier porro scripsit »Mémoire sur les roues à élever l'eau, sur la flexion des lames élastiques, sur les lois de l'équilibre et du mouvement des corps élastiques« et »Sur le mouvement des fluides en ayant égard à l'adhesion de molécules«; insuper opera avunculi Aemiliani Gauthey edidit sub titulo »Traité de la construction des ponts« (1813, duobus in voluminibus) cui anno 1816 tomum tertium addidit.
Nexus externus[recensere | fontem recensere]
- De Claudio Ludovico Maria Henrico Navier apud www-history.mcs.st-andrews.ac.uk