Henricus I (rex Angliae)

Henricus I. Matthaeus Paris, Chronica maiora ab eo ipso picta: Bibliotheca Britannica MS BL Royal 14.C.vii f. 8v

Quattuor regis Gulielmi I liberi, scil. Adela uxor Stephani comitis Blesensis (ad sinistram partem); Gulielmus rex secundus; Henricus I ("senior"); Robertus dux Normannorum. Bernardus Guidonis, De origine prima Francorum: Bibl. Municip. Tolosana MS 450 f. 190r (saec. XIV)

Henricus I Belloclericus cognominatus (Anglosaxonice Heanrig; natus circa annum 1068; mortuus die 1 Decembris 1135) fuit filius minimus regis Gulielmi I Angliae. Fratre Gulielmo II mortuo sine prole Henricus fit rex Angliae anno 1100; fratre maiore natu Roberto expugnato fit et dux Normannorum anno 1106.

Die 11 Novembris 1100 in matrimonium duxit Edgitham filiam regis Malcolmi III Scotiae, et ex ea duos liberos genuit:

• Mathildis, nata 1102, quam in matrimonium duxerunt imperator Henricus V moxque Galfridus Andegavensis, cui peperit regem futurum Henricum II
• Gulielmus, natus anno 1103, mortuus 1120

Prima uxore mortua, die 29 Ianuarii 1121 in matrimonium duxit Adelaidem Lovaniensem; ex ea nullos liberos genuit, sed e concubinis variis filios et filias ad numerum viginti duos, inter eos:

• Robertus, comes Glocestriae
• Alicia quae Matthaeo de Montemorenciaco nupsit

Fontes de vita et regno Henrici I

• Chronica Anglosaxonum
• Guillelmi Malmesburiensis De gestis regum Anglorum
• Henrici Huntindoniensis Historia Anglorum
• Willelmus Neuburgensis, Historia
• Gualterus Map, De nugis curialium 5.5

Antecessor: Gulielmus II	Rex Angliae 1100–1135	Successor: Stephanus Blesensis
Antecessor: Robertus III	Dux Normannorum 1105–1135