Glycera (meretrix)
Glycera (Graece Γλυκέρα) fuit meretrix Atheniensis saeculi IV a.C.n.; ab anno 324 a.C.n. amasia Harpali Tarsum incolebat. Glycera quaedam (an eadem, non liquet)[1] fuit et amasia poëtae Menandri.
Pythionice defuncta (inter annos 329 a.C.n. et 324 a.C.n.) Harpalus, quem Alexander Magnus administratum Babyloni praefecit, eam Tarsum arcessivit ibique publico sumptu cum ea luxuriose vivebat. Immo eam more regio venerari iussit. Ea suadente Harpalus frumentum Athenas misit quapropter grati Athenienses eum civem appellaverunt. Glycera eum Alexandro expeditione Indica redeunti ingratum factum etiam Athenas fugiens secuta est, ubi denique etsi Harpalus coactus est ex urbe egredi amore Menandri capta remansisse dicitur.
Fontes[recensere | fontem recensere]
- Athenaeus, Deipnosophistae 584a; 586c-d; 594d; 595d-596a
Notae[recensere | fontem recensere]
- ↑ Ita Athenaeus, Deipnosophistae 586c
Bibliographia[recensere | fontem recensere]
- Ernestus Badian, "Glykera" in Der Neue Pauly vol. 4 col. 1104
- Helmut Berve, Das Alexanderreich auf prosopographischer Grundlage (Monaci: Beck, 1926) i.231 (vol. 2 pp. 112-113)
- S. Müller, “Alexander, Harpalos und die Ehren für Pythionike und Glykera: Überlegungen zu den Repräsentationsformen des Schatzmeisters in Babylon und Tarsos,” in Philia: Festschrift für Gerhard Wirth, Galati, 2006ː 71–106