Gaius Vettius Sabinianus Iulius Hospes
Gaius Vettius Sabinianus Iulius Hospes (quando natus mortuusve sit, nescimus) eques et tum senator Romanus secundo saeculo erat.
Cursus honorum [recensere]
In militia equestri militavit et Antonino Pio imperatore in senatum adlectus est. Vettius praetor, tum legatus proconsulis Asiae fuit. Deinde ab imperatore in Cycladas insulas missus est et tum legatus Legionis III Italicae factus est. In Galliam missus aeraria publica urbium probavit, deinde legatus Legionis XIV Geminae et iuridicus Pannoniae Superioris erat. Tum Romae praefectus aerarium Saturni administravit. Deinde legatus Augusti pro praetore Pannoniae Inferioris fuit et pugnis contra Germanos interfuit. Anno 175 in Italiam revocatus est, ut paeninsulam contra Gaium Avidium Cassium defenderet. Tum consul suffectus erat et legatus Augusti pro praetore Dalmatiae, tandem legatus Pannoniae Superioris et circa annum 190 proconsul Africae.
Familia [recensere]
Nepos vel pronepos eius Gaius Vettius Gratus Atticus Sabinianus erat, qui anno 242 consul ordinarius creatus est[1].
Notae [recensere]
- ↑ Der Neue Pauly, Stuttgardiae 1999, T. 12/2, c. 150
