Gaius Iulius Iullus (dictator 352 a.C.n.)

Gaius Iulius Iullus (quando natus, quando mortuus sit, nescimus) vir publicus Romanus patricius quarti saeculi a.C.n. fuit.

Cursus honorum

Iulius anno 352 dictator a senatu nominatus est, ut dicunt, ut Etruscos ab urbe prohiberet, re vera, ut plebem impediret, ne consulem plebeium eligeret in annum proximum. Magister equitum eius Lucius Aemilius Mamercinus Privernas fuit.