Foederatio Internationalis Una Voce

Foederatio Internationalis Una Voce, siglo compendiario F.I.U.V. aut FIUV, vel plerumque Una Voce, nomine abstracto e praefatione Missae, consortium internationale e coetibus laicis catholicis constitutum Missae Tridentinae, eidem nuncupatae formae extraordinariae ritus Romani, iuxta litteras apostolicas Benedicti Papae XVI vocabulis Summorum Pontificum inchoatas die 7 mensis iulii A.D. 2007 motu proprio suo datas, addictis, fundata est Lutetiae Parisiorum die 19 mensis decembris A.D. 1964 Georgio Cerbelaud–Salagnac ad promovendam Missam Tridentinam iuxta Missale Romanum 1962 ante Concilium Oecumenicum Vaticanum II evulgatum.

Arguitur quod dum illud Concilium introduxit liturgias linguis vulgaribus celebratas, non vetuit celebrationem Latinam. Hae missae huiusmodi celebratae dominicis infraque hebdomadam manere debent. Ad promovendum cantum Gregorianum operatur, pro musica sacra generatim et artibus. Impar aliis coetibus catholicis traditioni dedicatis, manet fidelis cum papa et Ecclesia Catholica Romana: membra aiunt quod utraque Missa - tam Tridentina, quam vernacula - debet exstare simul.

Inter fautores maioris momenti primos fuerunt e.g. musicographi Mauritius Duruflé et Oliverius Messiaen et episcopus Maximilianus Ziegelbauer.

Qui operam dederit

Concilium FIUV vere internationale annis inter 2015 et 2017 constituerunt hi:

• Praesides honoris causa: Nereus Capponius, Iacobus Dhaussy, Helimutus Ruckriegel
• Praeses: Philippus Alanís Suárez (Mexicum)
• Propraeses: Patricius Banken (Gallia)
• Secretarius: Ioannes Emmanuel Rodríguez González-Cordero (Hispania)
• Quaestor: Monica Rheinschmitt (Germania)
• Symbuli: Alanus Cassagnau (Gallia), Albertus Eduardus Doskey (Cuba), Eduardus Columbus (Portus Dives), Fabius Marinus (Italia), Haiimaeus Kato (Iaponia), Ioannes de Behr (Germania), Iosephus Shaw (Anglia/Cambria), Martinus Gola (Polonia), Helgus Michaël Martynov (Ucraina), Otho de Medeiro Alves (Brasilia), Rudulphus Vargas Rubio (Hispania)

Nexus externi

Vicimedia Communia plura habent quae ad opus Una Voce spectant.

• situs proprius