Ferdinandus Pessoa
E Vicipaedia
(Redirectum de Fernandus Pessoa)
Ferdinandus Pessoa (natus 13 Iunii 1888, Olisipone; mortuus 30 Novembris 1935, ibidem) Lusitanus poeta fuit maximus post Ludovicum Camonium, immo fortasse ipso Camonio maior. Mensagem (Latine Nuntius) opus eius notissimum est, quod de Lusitaniae mystica historia fatoque narrat. Pessoa alios poetas finxit, qui, quoad ingenia et modos scribendi, inter se dissimiles erant. Hi poetae, a Ferdinandi Pessoa mente creati, heteronymi appellantur. Celeberrimi ex eis sunt Alvarus Campos, Albertus Caeiro et Ricardus Reis.
