Latinitas bona

Experimentum Griffith

E Vicipaedia
Salire ad: navigationem, quaerere
Nulla Vicipaediae Latinae pagina huc annectitur.
Quaesumus in alias commentationes addas nexus ad hanc paginam relatos. Quo facto hanc formulam delere licet.
Experimentum Griffith

Experimentum Griffith est experimentum a Frederico Griffith, medico Anglico, anno 1928 peractum, quo probatum est materiam geneticam e bacteriis transferri posse.

Griffith iis annis consilium inierat streptococcum pneumoniae investigandi quod bacterium causa est inflammationis pulmonum. Duabus bacteriorum stirpibus usus est, quarum

  • una, Stirps S sive III-S, se obtegit capsula polysaccharidica, qua se ab impetu systematis immunologici animalis periculo obiecti defendat;
  • altera, Stirps R sive II-R, capsula illa caret protectrice.

Constat stirpi S pneumoniam effici, cum systema immunologicum animalis valeat se ab stirpi R defendere.

Experimento suo Griffith bacteria stirpis S calore necavit eorumque reliquias bacteriis stirpis R addidit. Etsi nec stirps R sola nec reliquiae stirpis S per se valerent experimentalibus nocere muribus, coniunctim tamen mortifero mures morbo affici perspexit Griffith. Itaque exitum experimenti sui interpretatus dixit nonnulla bacteria II-R materiam geneticam e bacteriis III-S calore necatis reliquam nacta ita esse mutata, ut morbum efficerent mortiferum.

Hanc materiam geneticam hodie cognovimus DNA esse bacteriorum III-S. DNA enim bacteriorum calore necatorum superstes in bacteria II-R irrepsit, quo factum est, ut haec sibi capsulam polysaccharidicam conficere possent protectricem. Quo geno armata bacteria II-R mortifera sunt mutata.