Domus Heurich, etiam Castellum Magistri Coquorum (Anglice: The Brewmaster's Castle, nomen per ludibrium datum), est aedes Aetatis Inauratae in Circulo Dupont viciniá Vasingtoniae Districtús Columbiae. Aedificium est exemplum architecturae modo Redintegrationis Romanescae effectae.
Aedificabatur domus annis 1892–1894 a Christiano Heurich, advená ex Germaniá et "barone cervisiae," et in Nationalibus Locorum Historicorum Tabulis (National Register of Historic Places) refertur. Prima et secunda tabellationes conservantur intactae, omnibus supellice proprietatibusque architecturae non exclusis. Leges conservationis aedificiorum gravissimorum (landmarks) partem exteriorem tuentur, sed non partem interiorem, modo Eastlake exornatam. Anno 1955, vidua Heurich domús syngrapham Historicae Vasingtoniae D.C. Societati (Historical Society of Washington, D.C.) donavit. Anno 2003, Societas Historica, domum vicissim relinquens, syngrapham Fundationi Domús Heurich concessit.[2]
