Disputatio:Musicographus

Page contents not supported in other languages.
E Vicipaedia

Nonne melius musicographus quam compositor? Credo nomen compositor quoque includere scriptores.--Rafaelgarcia 15:29, 25 Iunii 2008 (UTC)[reply]

Assentior! Compositor quaslibet res componere potest. Hoc lemma ab homine qui anno 2006 semel nos visitavit creatum nimis faciliter apud nos usu receptum esse videtur. Tuomo Pekkanen "Nuntiis Latinis" (27.1.2006) Anniversarium Mozartianum celebrans scripsit: "Hodie ducenti quinquaginta anni acti sunt ex eo die, quo Wolfgangus Amadeus Mozart, celeberrimus musicographus Austriacus, Salisburgi natus est. Dies anniversarius in tota Austria sed praesertim in urbe eius natali et Vindobonae, ubi Mozart musicographus aulicus imperatoris nominatus est, concentibus et expositionibus celebratur. Mozart, qui inter summa ingenia musicalia numeratur, in tanta paupertate decessit, ut in fossa communi sepeliretur. Radiophonia Finnica musicam Mozartianam per sedecim horas continuas hodie emittit. Illa emissio pars est programmatis internationalis viginti quattuor horarum, quod eodem tempore ex aliis viginti quinque terris emittitur." Neander 08:52, 3 Octobris 2010 (UTC)[reply]
Qui musicam scribat certe est musicographus; qui autem musicam componat perspicue est compositor, no? Egomet compositiones musicas a Gulielmo Dufay compositas scripsi! (Calligraphus sum.) IacobusAmor 12:03, 3 Octobris 2010 (UTC)[reply]
Iacobe, tam graves posuisti quaestiones verborumque differentias, ut quinque fere diebus nil aliud agere possem nisi, quid tibi responsurus essem, capite vaporoso meditari. (Credat qui vult ...    ;–)   ) Credo eos, qui musicographi verbo utuntur, musicae compositorem velut hominem ad clavile sedentem repraesentare, qui simul et mente instrumentoque modos faciat et, quae modulatus sit, memoriae causa notis musicis scribat. Praeterea, optimum habent exemplum talibus in verbis qualia sunt tragoediographus, mimographus, encomiographus, psalmographus, satirographus etc qui tragoedias, mimos, laudationes, psalmos, satiras etc componunt. Nemo horum rem suam calligraphice perficit (aut si perficit, res accidens est). Cum igitur in his ita se habeat res, quin etiam in musicographo? Neander 14:51, 8 Octobris 2010 (UTC)[reply]

"Musicographus" potius quam "compositor" opto dicatur, quia compositor aliquid componere potest quod ad musicam nihil pertineat. Vox compositoris ergo non est, quod ad hanc rem attinet, accurata. Videte etiam http://yle.fi/radio1/tiede/nuntii_latini/familia_gaddafiana_in_algeria_31641.html sub postremo titulo, ubi de musicographo Jean Sibelius mentio fit. MARCVS 07:46, 15 Septembris 2011 (UTC)[reply]

Most (musical) composers who have ever lived have been unable to write. For composer, Ainsworth's gives compositor ; for a composer of songs, the newer word musurgus. L&S have "compositor melodiae, Cassiod. Hist. Eccl. 1, 2 fin." IacobusAmor (disputatio) 17:24, 13 Maii 2014 (UTC)[reply]
Maybe I moved too fast; I've just been trying to put some life into the movendas that have been sitting on the pages for a while. I do think, however, that plain "compositor" is not enough, but perhaps we could go for "compositor musicae" or "compositor melodiae" (though of course composers usually compose harmonies too). Or "compositor (musica)". Lesgles (disputatio) 18:28, 13 Maii 2014 (UTC)[reply]

"ex eo die, quo Wolfgangus Amadeus Mozart . . . natus est"[fontem recensere]

Ecce comma Theodiscum, quod Angli, Francici, Italici, Hispani, Slavi, Indi, Indonesiani, Micronesiani, Melanesiani, Polynesiani, Australiani, et populi Hemisphaerae Occidentalis, Africae, et Asiae non approbant. ;) IacobusAmor 12:03, 3 Octobris 2010 (UTC)[reply]

Ah, sed excipere debes Slavos, quia Russis utique hoc comma plane solitum est, quidem necessarium. Lesgles (disputatio) 04:24, 18 Martii 2014 (UTC)[reply]