Decimus Magnus Ausonius
Decimus Magnus Ausonius poeta Gallo-Romanus fuit qui circa annum 310 Cossione (Francogallice Bazas) haud procul a Burdigala natus est et circa annum 393 ibidem mortuus est. Gratianum autem principem, cum puer erat, instituit, eique postea rem publicam gerenti adfuit.
[recensere] De vita
Primum Burdigalae, deinde Tolosae grammaticae et arti rhetoricae studuit. Burdigalam autem reversus, usque ab 345 grammaticae et rhetoricae magister fuit, neque omittendus, inter ejus discipulos, Paulinus qui postea episcopus Nolae fuit. Princeps autem Occidentis Valentinianus I, cuius frater Valens in Oriente regnabat, Ausonium anno 365 Augustam Treverorum advocavit ut in regia maximum natu filium Gratianum educaret.
Post expeditionem anno 368 puella Alamannica, cui nomen Bissulae erat, praeda potitus est, eamque paulo post poemate cecinit.
- 370 Comes,
- 375 Quaestor sacri palatii
- 378 praefectus praetorio Galliarum factus est et
- 379 consul erat.
Gratiano anno 383 trucidato Ausonius in Aquitaniam reversus litteris studuit. Anno 393 mortuus est.
Amicus erat Quinti Aurelii Symmachi qui antiquos deos colere perstabat. Anno 371 Mosellam flumen et Bissulam puellam Alamannicam cecinit eodemque in cantu viam inter Bingium et Augustam Treverorum descripsit qua anno 368 vectus erat. Haec via hodie via Ausoniana vocatur. Ad viam oppida Belginum et Dumnissus sunt.
[recensere] Nexus externus
| Antecessores: Imp. Caesar Flavius Valens Augustus VI et Imp. Caesar Flavius Valentinianus Augustus II |
Consul 379 cum Quinto Clodio Hermogeniano Olybrio |
Successores: Imp. Caesar Flavius Gratianus Augustus V et Imp. Caesar Flavius Theodosius Augustus |
