The Simpsons

Stemma Simpsonum

The Simpsons, sive Familia Simpsonia, est Americana series animata quae in televisionibus spectatur et satura in mores populorum solis occidentis, quamvis minus ferox sit Agro Austri. Haec series nono decennio saeculi vicensimi ab Americano artifice Matthaeo Groening creata est.

Personae principales

In episodiis huius seriei primas partes agit Americana familia ipsa Simpsonia mediocris quinque capitum quae oppidum Campifontem (Anglice: Springfield) habitant:

• Homerus Simpson (Anglice: Homer Simpson) est pater familias, homo stultus pigerrimusque, caro ingens, ardens cibo insaluberrimo et cervesia. Operi intentus est in loco nucleare Agri Veris, at ille plures horas terit dormiendo quam laborando.

• Margarita Simpson (Anglice: Marge Simpson) est mater familias. Domina caerulea et altissima coma, semper est induta viride veste et rubro monile. Mater trium liberorum, sollicita et bona. Interdum sollicitudines suae tantae et tales sunt ut hysterica fiat.

• Bartholomaeus Simpson (Anglice: Bart Simpson) est primigenus filius. Puer decem annorum natus, seditiosi ingenii, propter suas actiones spectatores saepe putant Bartholomaeum scelestum hominem factum iri. Bartholomaeo, fundo et tabula subrotata mirabiliter experto, sunt nonnulli amici. Is saepe ludit cum Milhusio van Houten (Anglice: Milhouse van Houten), stolido puero caerulea coma ardenti amore Bartholomaei sorori, Lisae Simpson.

• Lisa Simpson (Anglice: Lisa Simpson) est secunda Homeri et Margaritae filia. Puella octo annorum nata, est sapientissima omnium: in schola est optima discens; musicam amat, et bene saxophono canet. Etiam minima natu est inter capita Mensae.

• Magdalena Simpson (Anglice: Maggie Simpson) est iunior filia. Puella secundum annum agens, loqui ambulareque non potest propter aetatem.

• Abrahamus Simpson (Anglice: Abe Simpson) est pater Homeri et avus Lisae et Barti et Magdalenae. Vitam agit in gerusia, a familia fere numquam visitatus est. Solum si Homerus vel persona altera aliquid habere vult, Abrahamus semper visitatus est.

Nexus externus

Vicimedia Communia plura habent quae ad The Simpsons spectant.