David Lloyd George

E Vicipaedia
Salire ad: navigationem, quaerere
David Lloyd George

David Lloyd George (Mamucii natus die 17 Ianuarii 1863 - obiit die 26 Martii 1945 in Llanystumdwy vico in Arvoniensi comitatu sito) fuit vir publicus Britanniarum Regni factionis liberalis.

Cursus honorum[recensere | fontem recensere]

Ab anno 1890 usque ad mortem Lloyd George munere populi Caernarvon Boroughs in Camera communium Britanniae functus est. Anno 1905 Administer mercaturae, ab anno 1908 cancellarius aerarii publici (Cancellarius Scaccarii) fuit. Primo bello mundano 1915 minister telorum, 1916 minister belli erat. Paulo post, die 7 Decembris 1916, primus minister usque ad diem 22 Octobris 1922 Britanniam duxit.

Consilia[recensere | fontem recensere]

Res Internae[recensere | fontem recensere]

Primus homo publicus pauperibus auxilia socialia tulit. Oratione 30 Iulii 1909 in vico pauperum Londinii nomine "Limehouse" beneficia annua, cautiones periculorum promisit. Haec beneficia vectigalibus divitum augendis solvere voluit. Cum Concilium Nobilium has leges recusavisset, anno 1911 privilegia huius collegii valde diminuta sunt.

Res externae[recensere | fontem recensere]

Quamquam initio bella gerenda recusavisset, ab anno 1911 propter controversias crescentes cum Germania ea futura esse concedit. Anno 1914, postquam Britannia bellum indicavit, in consilio ministrorum mansit et tum administrorum consilium omnibus factionibus compositum petivit. Hac de re cum Herberto Henrico Asquith primo ministro iurgavit atque eum coegit, ut magistratum reliquit. Hoc factum factionem liberalem divisit. Ipse primus minister bellum ducere perexit, Britanniam pro democratia Europae dimicare dixit. Bello finito Deliberatione de pace componenda Lutetiae facta inter Georgio Clemenceau praeside ministrorum Franciae, qui Germaniam victam dividere in animo habebat, et Woodrow Wilson, qui pacem placabilem petivit, consensum adipisci conatus est.

In Syria Franciam contra incolas adiuvit, qui libertatem postulaverant.

Hibernia[recensere | fontem recensere]

Anno 1921 autonomiam Hiberniae recognovit.

Recessus a magistratu[recensere | fontem recensere]

Anno 1922 Lloyd George propter controversias consiliorum in Turciam a magistaru recessit. Sed tamen ad annum 1945 legatus concilio ignoblium mansit. Tum Vinstonide Churchill suadente nobilitatus est.

Nexus externus[recensere | fontem recensere]


Wikiquote-logo.svg Vicicitatio habet citationes quae ad David Lloyd George spectant.