Coniugatio

Coniugatio verbi est creatio formarum deductarum ex primis formis vel partibus principalibus. A persona, numero, genere, tempore, modo, voce, et aliis rebus linguae propriis adfici potest.

Lingua Latina

Solent verba Latina discerni in quattuor coniugationibus. Primae coniugationi ea verba cum -āre infinitiva forma sunt, secundae illa cum -ēre, tertiae -ere, et quarta cum -īre. Etiam autem sunt verba (i brevi) quae sunt in tertia coniugatione, sed flecta^? sunt quasi in quarta.

Tempora

Sex generalia tempora verbo sunt:

• Praesens. Actiones ad praesentem describit. Lucius vinum bibit.
• Imperfectum. Actiones modo praeteritas seu continuo gestas describit. Lucius vinum bibebat.
• Futurum. Actiones futuras describit. Lucius vinum bibet.
• Perfectum (etiam "perfectum simplex"). Actiones praeteritas confectasque describit. Lucius vinum bibit.
• Plusquamperfectum. Actiones procul praeteritas, ante eas actiones quae in perfecto tempore descriptae sunt describit. Lucius vinum biberat.
• Futurum Exactum (etiam "Futurum Perfectum"). Actiones quae aliquando in futuro confectae sunt describit. Lucius vinum biberit.

Modi

Quattuor modi:

• Indicativus
• Infinitivus
• Imperativus
• Coniunctivus (etiam subiunctivus appellatus)

Personae

Sex personae:

• Prima singularis (ego)
• Secunda singularis (tu)
• Tertia singularis (is, ea, id)
• Prima pluralis (nos)
• Secunda pluralis (vos)
• Tertia pluralis (ei, eae, ea)

Genera

Duae genera:

• Activum
• Passivum

Partes principales

Verba sunt descripta ab quattuor partibus principalibus:

• Prima pars est forma a prima persona, singularis, praesenti tempore, activa voce, indicativo modo.
• Secunda est forma a secunda persona, singularis, praesenti tempore, activa voce, indicativo modo.
• Tertia est forma a prima persona, singularis, perfecto tempore, activa voce, indicativo modo.
• Quarta est supinum, aut etiam participium nominativo casu, singularis, perfecto tempore, voce passiva.
• Quinta est infinitivus praesens

Ergo

• prima coniugatio: amo, amas, amavi, amatum, amare
• secunda coniugatio: habeo, habes, habui, habitum, habere
• tertia coniugatio: dico, dicis, dixi, dictum, dicere
• quarta coniugatio: audio, audis, audivi, auditum, audire
• coniugatio mixta: facio, facis, feci, factum, facere

Vide exempla: amo, habeo, facio, sum, fero.

Vide etiam

• Ars grammatica
• Linguistica
• Grammatica Latina
• Declinatio